News 2012

ການເຜີຍແຜ່ຂໍ້ມູນຂ່າວສານເລື່ອງ ລະເບີດບໍ່ທັນແຕກໃຫ້ແກ່ນັກສຶກສາຄູຕໍ່ເນື່ອງພາກພັກແລ້ງ ປີທີ2 ສາຍຄູປະຖົມ ສົກຮຽນ 2016-2017

ໃນ​ວັນ​ທີ 12 /08/ 2017  ວິ​ທະ​ຍາ​ໄລ​ຄູຫຼວງ​ພະ​ບາງ ​ໄດ້​ຈັດ​ກອງ​ປະຊຸມ​ການ​ເຜີຍ​ແຜ່​ຂໍ້​ມູ​ນ​ຂ່າວ​ສານ​ເລື່ອງ ລະ​ເບີດບໍ່​ທັນ​ແຕກ​ໃຫ້​ແກ່​ນັກ​ສຶກ​ສາ​ຄູ​ຕໍ່​ເນື່ອງ​ພາກ​ພັກ​ແລ້ງ ປີ​ທີ2 ສາ​ຍ​ຄູ​ປະ​ຖົມ, ໂດຍ​​ການເປັນປະທານ​ຂອງ​ທ່ານ ຫຸມພັນ ຄອນສະຫວັດ ຮອງຜູ້ອຳນວຍການວິ​ທະ​ຍາ​ໄລ​ຄູຫຼວງ​ພະ​ບາງ, ມີ​ທ່ານ ບຸນ​ຈັນ ວັນ​ທະ​ມາ​ລີ ຫົວ​ໜ້າ​ຫ້ອງ​ການ​ອະ​ນຸ​ບານ-ປະ​ຖົມ, ມີ​ນັກ​ວິທະຍາກອນ ​ແລະ ສຳ​ມະ​ນາກ​ອນ​ເຂົ້າ​ຮ່ວມ​ທັງ​ໝົດ 80 ທ່ານ, ຍິງ 39 ທ່ານ. ກອງ​ປະຊຸມ​ໄດ້​ດຳ​ເນີນ​ໄປ 1 ວັນ​ຄື​ວັນ​ທີ  12 ກໍ​ລະ​ກົດ 2017. ກອງ​ປະຊຸມ​ໄດ້​ລົງ​ເລິກ​ທາງ​ພາກ​ທິດ​ສະ​ດີ​, ມີ​ການ​​ສົນທະນາ​ແລກປ່ຽນ​ປະສົບ​ການ, ເຊີ່ງເນື້ອໃນທີ່ນຳມາເຜີຍແຜ່ແມ່ນມີ ຂໍ້​ມູນ​ທີ່​ກ່ຽ​ວ​ຂ້ອງ​ກັບ​ອັນ​ຕະ​ລ​ສຍ​ຂອງ​ລະ​ເບີດ​ແຕ່​ລະ​ປະ​ເພດ,ວິ​ທີການ​ປ້ອງກັນ,ຮັບ​ຊົມ​ວິ​ດີ​ໂອ​ຂອງ​ເຫດ​ການ​ທີ່​ປະ​ຊາ​ຊົນ​ເຄີ​ພົບ​ເຫດ​ການ​ມາ​ກ່ອນ ແລະ ການ​ຮ້ອງ​ເພງ​ທີ່​ກ່ຽວ​ກັບ​ເນື້ອ​ໃນ​ຂອງ​ລະ​ເບີດ​ທີ່ບໍ່​ທັນ​ແຕກ​ເປັນ​ຕົ້ນ , ຈຸດປະສົງດັ່ງກ່າວເພື່ອ​ເຮັດ​ໃຫ້ນັກ​ສຶກ​ສາ​ຄູ​ພາກ​ຕໍ່​ເນື່ອງ​ເກີດ​ຄວາມ​ເຂົ້າ​​ຕໍ່​ຜົນ​ຮ້າຍ​ຂອງ​ລະ​ເບີດ​ທີ່​ຍັງ​ບໍ່​ທັນ​ແຕກ ແລະ ​ສາ​ມາດ​ນຳ​ໄປ​​ຜັນ​ຂະ​ຫ​ຍາຍ​ຈັດ​ຕັ້ງປະ​ຕິ​ບັດ​ຕໍ່​ການ​ຮຽນ-ການ​ສອນ​ລາຍ​ວິ​ຊາ​ທີ່​ກ່ຽວ​ກັບ​ຂໍ້​ມູ​ດັ່ງ​ກ່າວນີ້​ໃຫ້​ປະ​ກົດ​ຜົນ​ເປັນ​ຈິງ.

ພາບ ແລະ ຂ່າວ: ອ​ຈ ປະ​ນົມ​ພອນ ຄອນ​ສະ​ຫວັດ

ໜ່ວຍ​ງານ​ຂໍ້​ມູນ​ຂ່າວ​ສານ

ຫ້ອງ​ການ​ວັດ​ປະ​ເມີນ​ຜົນ