News 2012

ຄະນະອຳນວຍການວິທະຍາໄລຄູຫຼວງພະບາງຕ້ອນຮັບຄະນະຜູ້ບໍລິຫານໂຮງຮຽນເຂດ3 ຣາດສະພັດຊຽງຣາຍ ປະເທດໄທ

ໃນຕອນ​ແລງ​ຂອງ​ວັນ​ທີ 17 /08/ 2017  ​ຜູ້​ອຳ​ນວຍ​ການວິ​ທະ​ຍາ​ໄລ​ຄູຫຼວງ​ພະ​ບາງ ​​ໄດ້​ຈັດ​ພິ​ທີ​ຕ້ອນ​ຮັບ​ຄະ​ນະ​ຜູ້​ບໍ​ລິ​ຫານ​ໂຮງ​ຮຽນ​ເຂດ3 ທີ່​ມາ​ຈາກ​ຣາດ​ສະ​ພັດ​ຊຽງ​ຣາຍ ປະ​ເທດ​ໄທ, ໂດຍ​​ການເປັນປະທານ​ຂອງ​ທ່ານ ​ບຸນ​ສຸ​ວັນ ລັດ​ຕະ​ນາ ຜູ້ອຳນວຍການວິ​ທະ​ຍາ​ໄລ​ຄູຫຼວງ​ພະ​ບາງ, ມີ​ທ່ານ ​ສາຍ​ສະ​ຫວາດ ວິ​ໄຊ ​ຜູ້​ອຳ​ນວຍ​ການ ພ້ອມ​ດ້ວຍ​ຄະ​ນະ​ທີມ​ງານ​ເຂົ້າ​ຮ່ວມ​ທັງ​ໝົດ 114 ທ່ານ.ໃນ​ພິ​ທີ​ດັ່ງ​ກ່າວ, ທ່ານ ບຸນ​ສຸ​ວັນ ລັດ​ຕະ​ນາ ກໍ​ໄດ້​ອະ​ທິ​ບາຍ​ກ່ຽ​ວ​ກັບ​ປະ​ຫວັດ​ຄວາມ​ເປັນ​ມາ, ຄະ​ນະ​ຜູ້​ບໍ​ລິ​ຫານ ແລະ ສະ​ພາບ​ການ​ຈັດ​ຕັ້ງ​ການ​ຮຽນ-ການ​ສອນ​ໃຫ້​ຄະ​ນະ​ທີມ​ງານ​ທີ່​ມາ​ຈາກ​ຣາດ​ສະ​ພັດ​ຊຽງ​ຣາຍ ​ໄດ້​ຮັບ​ຮູ້ ແລະ ເຂົ້າ​ໃຈ​ເຖີ່ງ​ພາ​ລະ​ບົດ ແລະ ພັນ​ທະ​ກິດ​ຂອງ​ພື້ນ​ຖານ​ໂຄງ​ຮ່າງວິ​ທະ​ຍາ​ໄລ​ຄູຫຼວງ​ພະ​ບາງ, ຈາກນັ້ນ​ຄະ​ນະ​ທີມ​ງານ​ຄູ-ອາ​ຈານ​ຈາກ​ຊຽງ​ຣາຍ ກໍ​ໄດ້​ຊັກ​ຖາມ​ບາງ​ປະ​ເດັ່ນ ຫຼື ບາງ​ບ​ພາ​ລະ​ບົດ​ບາດ​ຂອງວຽກ​ງານ​ການ​ສິດ​ສອນ​ຂອງ​ຄູ-ອ​ຈານ​ທີ່​ວິ​ທະ​ຍາ​ໄລ​ຄູຫຼວງ​ພະ​ບາງ​ເປັນ​ຕົ້ນ. ທ້າຍ​ພິ​ທີ​ດັ່ງ​ກ່າວ ຫຼັງ​ຈາກ​ທີ່​ໄດ້​ໂອ້​ລົມ ແລະ ແລກ​ປ່ຽນ​ບົດ​ຮຽນ​ກັນ​ແລ້ວ ທ່ານ ບຸນ​ສຸ​ວັນ ລັດ​ຕະ​ນາ ຜູ້​ອຳ​ນວຍ​ການ​ວິ​ທະ​ຍາ​ໄລ​ຄູຫຼວງ​ພະ​ບາງ​ກໍ​ໄດ້​ມອບ​ໃບ​ຢັ້ງ​ຢືນ​ໃຫ້​ແກ່​ຄະ​ນະ​ຜູ້​ບໍ​ລິ​ຫານ​ໂຮງ​ຮຽນ​ເຂດ3 ທີ່​ມາ​ຈາກ​ຣາດ​ສະ​ພັດ​ຊຽງ​ຣາຍ ປະ​ເທດ​ໄທ ຈຳ​ນວນ 114 ຄົນ ແລະ ຄະ​ນະ​ຜູ້​ບໍ​ລິ​ຫານ​ໂຮງ​ຮຽນ​ເຂດ3 ທີ່​ມາ​ຈາກ​​ຣາດ​ສະ​ພັດ​ຊຽງ​ຣາຍ ປະ​ເທດ​ໄທ​ກໍ​ໄດ້​ມອບ​ຂອງ​ທີ່​ລະ​ນຶກ​ໃຫ້​ວິ​ທະ​ຍາ​ໄລ​ຄູຫຼວງ​ພະ​ບາງ.

ຂ່າວ​ໂດຍ:ອ​ຈ ປະ​ນົມ​ພອນ ຄອນ​ສະ​ຫວັດ

ໜ່ວຍ​ງານ​ຂໍ້​ມູນ​ຂ່າວ​ສານ

ຫ້ອງ​ການ​ວັດ​ປະ​ເມີນ​ຜົນ