News 2012

ຄະນະອຳນວຍການວິທະຍາໄລຄູຫຼວງພະບາງຕ້ອນຮັບຄະນະອຳນວຍການມະຫາວິທະຍາໄລ ສ້າງຄູທ່າຍຫງວຽນ ປະເທດຫວຽດນາມ

ໃນຕອນ​ແລງ​ຂອງ​ວັນ​ທີ 19 /08/ 2017  ​ຜູ້​ອຳ​ນວຍ​ການວິ​ທະ​ຍາ​ໄລ​ຄູຫຼວງ​ພະ​ບາງ ​​ໄດ້​ຈັດ​ພິ​ທີ​ຕ້ອນ​ຮັບ​ຄະ​ນະ​ອຳ​ນວຍ​ການ​ມະ​ຫາ​ວິ​ທະ​ຍາ​ໄລ​ຄູ​ທ່າຍ​ຫງວຽນ ປະ​ເທດ ​​ສ​ສ ຫວຽດ​ນາມ, ໂດຍ​​ການເປັນປະທານ​ຂອງ​ທ່ານ ​ບຸນ​ສຸ​ວັນ ລັດ​ຕະ​ນາ ຜູ້ອຳນວຍການວິ​ທະ​ຍາ​ໄລ​ຄູຫຼວງ​ພະ​ບາງ, ມີ​ທ່ານ ​ຟ້າມ ຫົງ ກວາງ  ​ຜູ້​ອຳ​ນວຍ​ການມະ​ຫາ​ວິ​ທະ​ຍາ​ໄລ​ສ້າງ​ຄູ​ທ່າຍ​ຫງວຍນ ພ້ອມ​ດ້ວຍ​ຄະ​ນະ​ທີມ​ງານ​ເຂົ້າ​ຮ່ວມ​ທັງ​ໝົດ 16 ທ່ານ.ໃນ​ພິ​ທີ​,  ທ່ານ ບຸນ​ສຸ​ວັນ ລັດ​ຕະ​ນາ ກໍ​ໄດ້​ອະ​ທິ​ບາຍ​ກ່ຽ​ວ​ກັບ​ປະ​ຫວັດ​ຄວາມ​ເປັນ​ມາ, ໂຄງ​ຮ່າງ​ລະ​ບົບ​ການ​ຈັດ​ຕັງ​ຂອງຄະ​ນະ​ຜູ້​ບໍ​ລິ​ຫານ ແລະ ສະ​ພາບ​ການ​ຈັດ​ຕັ້ງ​ການ​ຮຽນ-ການ​ສອນ​ໃຫ້​ຄະ​ນະ​ທີມ​ງານ​ທີ່​ມາ​ຈາກ​ມະ​ຫາ​ວິ​ທະ​ຍາ​ໄລ​ສ້າງ​ຄູ​ທ່າຍ​ຫງວຍນ​ໄດ້​ຮັບ​ຮູ້ ແລະ ເຂົ້າ​ໃຈ​ເຖີ່ງ​ພາ​ລະ​ບົດ ແລະ ພັນ​ທະ​ກິດ​ຂອງ​ພື້ນ​ຖານ​ໂຄງ​ຮ່າງວິ​ທະ​ຍາ​ໄລ​ຄູຫຼວງ​ພະ​ບາງ,​ຈຸດ​ປະ​ສົງ ດັ່ງ​ກ່າວ ແມ່ນ​ເພື່ອ​ຕົກ​ລົງ​ເຫັນ​ດີ​ໃນ​ການ​ຮ່ວມ​ມື​ກັນ​ບົນ​ພື້ນ​ຖານ​ຄວາ​ເຂົ້າ​ໃຈ ເພື່ອ​ສ້າງ​ຄວາມ​ເຂັ້ມ​ແຂງ​ການ​ຮ່ວມ​ມື​ທາງ​ດ້ານ​ການ​ສຶກ​ສາ,ຈາກນັ້ນ​ຄະ​ນະ​ທີມ​ງານ​ຄູ-ອາ​ຈານ​ຈາກ​ມະ​ຫາ​ວິ​ທະ​ຍາ​ໄລ​ສ້າງ​ຄູ​ທ່າຍ​ຫງວຍນກໍ​ໄດ້​ຊັກ​ຖາມ​ບາງ​ປະ​ເດັ່ນ ຫຼື ບາງ​​ພາ​ລະ​ບົດ​ບາດ​ຂອງວຽກ​ງານ​ການ​ສິດ​ສອນ​ຂອງ​ຄູ-ອ​າຈານ​ທີ່​ວິ​ທະ​ຍາ​ໄລ​ຄູຫຼວງ​ພະ​ບາງ​. ທ້າຍ​ພິ​ທີ​ດັ່ງ​ກ່າວ ຫຼັງ​ຈາກ​ທີ່​ໄດ້​ໂອ້​ລົມ ແລະ ແລກ​ປ່ຽນ​ບົດ​ຮຽນ​ກັນ​ແລ້ວ ທັງ​ສອງ​ຝ່າຍ​ກໍ​ໄດ້​ເຊັນ​ສັນ​ຍາ​ບົດ​ບັນ​ທຶກ​ຮ່ວມ​ມື​ເຊີ່ງ​ກັນ ​ແລະ​ ກັນ ໂດຍ​ກໍ​ໄດ້​ມອບ​ຂອງ​ທີ່​ລະ​ນຶກໃຫ້​ເຊີ່ງ​ກັນ ແລະ ກັນ.

ຂ່າວ​ໂດຍ: ອ​ຈ ປະ​ນົມ​ພອນ ຄອນ​ສະ​ຫວັດ

ໜ່ວຍ​ງານ​ຂໍ້​ມູນ​ຂ່າວ​ສານ

ຫ້ອງ​ການ​ວັດ​ປະ​ເມີນ​ຜົນ