News 2012

ງານວິທະຍາສາດ ແລະ ວັດທະນະທຳບັນດາເຜົ່າທີ່ ວິທະຍາໄລຄູຫຼວງພະບາງ

ວັນທີ 22 ທັນວາ 2017 ທີ່ວິທະຍາໄລຄູຫຼວງພະບາງ ໄດ້ເປີດງານວິທະຍາສາດ ແລະ ວັດທະນະທຳບັນດາເຜົ່າ ປະຈຳສົກຮຽນ 2017-2018 ຂຶ້ນຢ່າງເປັນທາງການ ໂດຍພາຍໃຕ້ການເປັນປະທານຂອງທ່ານ ສິງ​ຕັນ ໄຊ​ລື​ຊົງ ກຳ​ມະ​ການ​ປະ​ຈຳ​ພັກ​ແຂວງ ຮອງ​ປະ​ທານ​ສ​ະ​ພາ​ປະ​ຊາ​ຊົນ​ແຂ​ວງຫຼວງ​ພະ​ບາງ,ທ່ານ ບຸນ​ສຸ​ວັນ ລັດ​ຕະ​ນາ ຜູ້​ອຳນວຍການ ວິທະຍາໄລຄູຫຼວງພະບາງ, ທ່ານ ສົ​ມ​ອົກ ພັນ​ທະ​ວົງ ຮອງ​ຫົວ​ໜ້າ​ພະ​ແນ​ກ​ຖະ​ແຫຼງ​ຂ່າວ​ແຂວງຫຼວງພະບາງ, ທ່ານ ຊາຍ​ສະ​ຫວັນ ຮອງ​ຫົວ​ໜ້າ​ພະ​ແນກ​ສຶກ​ສາ​ທິ​ການ ແລະ ກິ​ລາ​ແຂວງຫຼວງພະບາງ,ມີຮອງຄະນະອຳນວຍການ,   ຕາງໜ້າອົງການຈັດຕັ້ງມະຫາຊົນ,  ແຂກຖືກເຊີນ, ຄູ-ອາຈານ , ນັກສຶກສາເຂົ້າຮ່ວມຢ່າງຄັບ​ຄາໜາແໜ້ນ.

ການຈັດງານບຸນວິທະຍາສາດ ແລະ ວັດທະນະທຳບັນດາເຜົ່າ ທີ່ທາງວິທະຍາໄລຄູຫຼວງພະບາງ ແມ່ນໄດ້ຈັດຂຶ້ນຢູ້ໃນເດືອນ ທັນວາ ຂອງທຸກໆປີ ແລະ ປີນີ້ກໍເປັນອີກປີໜຶ່ງທີ່ມີການຈັດການແຂ່ງຂັນ ລາຍການຕ່າງໆ  ເຊິ່ງແຕ່ລະຫ້ອງການແມ່ນໄດ້ຫ້າງຫາກະກຽມເພື່ອຈະເອົາຜົນງານຂອງຕົນມາວາງສະແດງໃນງານປະກອບມີ ການປະກວດສິ່ງປະດິດ, ນຳ​ສະ​ເໜີສື່ການຮຽນ-ການສອນ ແລະ ການສະແດງວັດທະນະທຳບັນດາເຜົ່າ​ຂອງ 4 ຂະ​ແໜງວິ​ຊາ​ສະ​ເພາະ. ໃນພິທີ​ດັ່ງ​ກ່າວທ່ານປະທານ ແຂກຖືກເຊີນ ກຳມະການ ໄດ້​ເລາະຊົມສິ່່ງປະດິດ​ທີ່​ເປັນ​ສື່​ການ​ຮຽນ-ການ​ສອນ​ຂອງ​ບູດ​ວາງ​ສະ​ແດງ​ຂອງ 4 ຂະ​ແໜງວິ​ຊາ​ສະ​ເພາະ,ຊົມການສະແດງວັດທະນະທຳຂອງແຕ່ລະຂະ

ແໜງ ແລະ ຜົນການປະກວດແຕ່ລະລາຍການມີດັ່ງນີ້:

  1. ສິ່ງປະດິດ

ອັນດັບທີ 1 ຂະແໜງວິທະຍາສາດທຳມະຊາດ

ອັນດັບທີ 2 ຂະແໜງພ​າ​ສາ​ຕ່າງ​ປະ​ເທດ

ອັນດັບທີ 3 ຂະແໜງ​ອະ​ນຸ​ບານ-ປະ​ຖົມ

ອັນດັບທີ 4 ຂະແໜງວິ​ທະ​ຍາ​ສາດ​ສັງ​ຄົມ

  1. ນຳ​ສະ​ເໜີສື່ການຮຽນ-ການສອນ

ອັນດັບທີ 1 ຂະແໜງພາສາຕ່າງປະເທດ

ອັນດັບທີ 2 ຂະແໜງອະນຸບານ-ປະຖົມ

ອັນດັບທີ 3 ຂະແໜງວິທະຍາສາດສັງຄົມ

ອັນດັບທີ 4 ຂະແໜງ ວິທະຍາສາດທຳມະຊາດ

  1. ວັດທະນະທຳບັນດາເຜົ່າ

ອັນດັບທີ 1 ຂະແໜງອະນຸບານ-ປະຖົມ

ອັນດັບທີ 2 ຂະແໜງວິທະຍາສາດສັງຄົມ ແລະ ວິທະຍາສາດທຳມະຊາດ

ອັນດັບທີ 3

ອັນດັບທີ 4 ຂະແໜງພາສາຕ່າງປະເທດ

ພາບ ແລະ ຂ່າວ​ໂດຍ: ປະ​ນົມ​ພອນ ຄອນ​ສະ​ຫວັດ