News 2012

ພິທີເປີດຊຸດເຝີກອົບຮົມວຽກງານສຶກສາ ປ້ອງກັນຊາດ-ປ້ອງກັນຄວາມສະຫງົບໃຫ້ແກ່ນັກສຶກສາ

ໃນ​ຕອນ​ເຊົ້າ​ຂອງວັນ​ທີ 22 / 1 / 2018 ທີ່​ສະ​ໂມ​ສອນ​ຂອງ ວ​ຄຫຼບ ໄດ້​ເປີດ​ກາ​ນຽນ-ການ​ສອນ​ວິ​ຊາປ້ອງ​ກັນ​ຊາດ​ປ້ອງ​ກັນ​ຄວາມ​ສະ​ຫງົບໃຫ້​ນັກ​ສຶກ​ສາ​ທີ່​ວິ​ທະ​ຍາ​ໄລ​ຄູຫຼວງ​ພະ​ບາງ​ທັງ 4 ຂະ​ແໜງວິ​ຊາ​ສະ​ເພາະຂື້ນ​ຢ່າງ​ເປັນ​ທາງ​ການ ໂດຍ​ການ​ເປັນ​ປະ​ທານ​ຮ່ວມ​ຂອງ​ ທ່ານ ບຸນ​ສຸ​ວັນ ລັດ​ຕະ​ນາ ຜູ້ອຳ​ນວຍ​ການ ວ​ຄຫຼບ, ທ່ານ ພັນ​ທ ຄຳ​ເພັດ ຊາວ​ສຸ​ວັນ ຮອງ​ຫົວ​ໜ້າ​ເສ​ນາ​ທິ​ການ​ທະ​ຫານ​ແຂວງ, ທ່ານ ພັນ​ຕ ນິນ​ລະ​ພົບ ຈັນ​ທະ​ວີ​ສຸກ ຫົວ​ໜ້າ​ພະ​ແນກ​ການ​ທະ​ຫານ​ຖ້ອງ​ຖິ່ນ​ແຂວງ

ຫຼວງ​ພະ​ບາງ, ມີ​ຄູ-ອາ​ຈານ ແລະ ນັກ​ສຶກ​ສາ ຈຳ​ນວນ 238 ຄົນ​ເຂົ້າ​ຮ່ວມ​ຢ່າງ​ຄຶກ​ຄື້ນ. ຈຸດ​ປະ​ສົງ​ຂອງ​ການ​ຮຽນ-ການ​ສອນ​ໃນ​ຄັ້ງ​ນີ້ ເພື່ອ​ໃຫ້​ນັກ​ຮຽນ​ມີ​ສະ​ຕິ​ລະ​ວັງ​ຕົວ​ຕໍ່​ກົນ​ອຸ​ບາຍ, ຍຸດ​ທະ​ສາດ​ຕ້ານ​ການ​ຫັນ​ປ່ຽນ​ໂດຍ​ສັນ​ຕິ​ຂອງ​ສັດ​ຕູ​ກຽ​ມ​ພ້ອມ​ຮັບ​ໃຊ້​ຊາດ​ເມື່ອ​ຊາດ​ຮຽກ​ຮ້ອງ​ຕ້ອງ​ການ, ເພື່ອ​ປູກ​ຝັງ​ແນວ​ຄິດ​ໃຫ້​ຮັກ​ຮຽນ​ມີ​ນ້ຳ​ໃຈ​ຮັກ​ຊາດ, ຮັກ​ບ້ານ​ເກີດ​ເມືອງນອນ, ມີ​ສະ​ຕິ​ຕໍ່​ການ​ຈັດ​ຕັ້ງ, ມີ​ລະ​ບຽບ​ວິ​ໄນ ແລະ ມີ​ສະ​ຕິ​ຕໍ່​ການ​ສັນ​ຈອນ. ເພື່ອ​ໃຫ້​ນັກ​ຮຽນ​ມີ​ຄວາມ​ຮູ້​ພື້ນ​ຖານ​ກ່ຽວ​ກັບ​ວຽກ​ງານ​ປກ​ຊ-ປກ​ສນັ້ນ​ເອງ, ເຊີ່ງ​ໄລ​ຍະ​ການ​ຮຽນ-ການ​ສອນ​ແມ່ນ​ຈະ​ໄດ້​ດຳ​ເນີນ​ຕັ້ງ​ແຕ່​ວັນ​ທີ່ 22 /1 – 12 / 2 / 2018 ຈຶ່ງ​ຈະ​ສຳ​ເລັດ​ການ​ຮຽນ-ການ​ສອນ​ໃນ​ຄັ້ງ​ນີ້.

ຂ່າວ​ສານ​ໂດຍ: ອ​ຈ ປະ​ນົມ​ພອນ ຄອນ​ສະ​ຫວັດ