News 2012

ພິທີການແລກປ່ຽນບົດຮຽນວຽກງານກິລາຂອງຫ້ອງການກິດຈະການນັກສຶກສາ ວິທະຍາໄລ ຫຼວງພະບາງກັບມັດທະຍົມສົມບູນເມືອງນານ

ຕອນເຊົ້າຂອງວັນ​ທີ 03 ​ມັງ​ກອນ 2018  ທີ່ສະ​ໂມ​ສອນມ​ສ ເມືອງ​ນານ​ ໄດ້​ຕ້ອນ​ຮັບ​ຄະ​ນະ​​ຄູ-ອາ​ຈານ ແລະ ນັກ​ກິ​ລາ​ຈາກວິ​ທະ​ຍາ​ໄລ​ຄູ​ຫຼວງ​ພະ​ບາງ, ໂດຍ​ເປັນ​ປະ​ທານ​ຮ່ວມຂອງ ​ທ່ານ​ ຫົງຄຳ ເພັງ​ສະ​ຫວັດ ຫົວ​ໜ້າ​ພະ​ແນກສຶກ​ສາ​​ທິ​ການ ແລະ ກິ​ລາເມືອງ​ນານ,ທ່ານ ທອງຫຼໍ່ ຄຸນ​ສະ​ຫວັດ ຮອງຜູ້​ອຳ​ນວຍ​ການວ​ຄຫຼບ ຝ່າຍ​ກິດ​ຈະ​ການ​ນັກ​ສຶກ​ສາ ,​​ທ່ານ ສູນ​ທອນ ມິດ​ສະ​ພອນ ຜູ້​ອຳ​ນວຍ​ການ​ມັດ​ທະ​ຍົມ​ສົມ​ບູນ​ເມືອງ​ນານ  ,​ພ້ອມ​ດ້ວຍ​ຄູ-ອາ​ຈານ ແລະ ນັກ​ສຶກ​ສາ​ເຂົ້​ຮ່ວມ​ຢ່າງ​ພ້ອມ​ພຽງ. ຕໍ່​ພິ​ທີ​ດັ່ງ​ກ່າວ ທ່ານ ​ຫົງຄຳ ເພັງ​ສະ​ຫວັດ ຫົວ​ໜ້າ​ພະ​ແນກສຶກ​ສາ​​ທິ​ການ ແລະ ກິ​ລາເມືອງ​ນານ ກ່າວ​ຕ້ອນ​ຮັບ ແລະ ສະ​ເໜີ​ຈຸດ​ປະ​ສົງ​ຜົນ​ການ​ຈັດ​ຕັ້ງ​ປະ​ຕິ​ບັດຂອງ ​ການ​ແລກ​ປ່ຽນ ແລະ ຖອດຖອນ​ບົດ​ຮຽນວຽກ​ງານ​ກິ​ລາ, ພ້ອມ​ທັງ​ສົນ​ທະ​ນາ​ແລກ​ປ່ຽນບົດ​ຮຽນ​ເຊີ່ງ​ກັນ ແລະ ກັນເຊີ່ງ​ປະ​ກອບ​ມີ​ຄື: ​ກິ​ລາ​ກະ​ຕໍ້ ແລະ ບານ​ສົ່ງ​ຍິງ-ຊາຍ ແລະ ທ່ານ ແສງ​ທອງ ຟອງວິ​ໄລ  ກໍ່​ໄດ້​ມອບ​ຂອງ​ທີ​ລະ​ນຶກໃຫ້​ແກ່ມ​ສ ເມືອງ​ນານ​ເຊີ່ງ​ປະ​ກອບ​ມີ​ອຸ​ປະ​ກອນ​ກິ​ລາ ແລະ ລົງ​ແຂ່ງ​ຂັນ​ກິ​ລາ​ບານສົ່ງ​ປະ​ສົມ​ຍິງ-​ຊາຍມິດ​ຕະ​ພາບ​ຄູ-ອາ​ຈານຮ່ວມ​ກັນ​ກັບ​ມ​ສ ເມືອງ​ນານ ແລະ ກິ​ລາ​ມິດ​ຕະ​ພາບ​ລະ​ຫວ່າງ​ນັກ​ສຶກ​ສາ ເຊີ່ງ​ຜົນ​ການ​ແຂ່ງ​ຂັນ​ປະ​ກົດ​ວ່າ ທີມ​ນັກ​ກິ​ລາ​ຈາກວິ​ທະ​ຍ​າ​ໄລ​ຄູຫຼວງ​ພະ​ບາງ​ສາ​ມາດ​ເອົາ​ສະ​ນະ​ທີມ​ຈາກ​ມ​ສ ເມືອງ​ນານ​ໄປ​ທັງ​ໝົດ ໂດຍ​ມີ ບານ​ສົ່ງ​ປະ​ສົມ​ຍິງ-ຊາຍ​ລະ​ຫວ່າງ​ຄູ-ອາ​ຈານ ຊະ​ນະ​ໄປ​ດ້ວຍ 2-1 ແຊັດ, ບານ​ສົ່ງ​ຍິ-ຊາຍນັກ​ສຶກ​ສາວ​ຄຫຼບ ຊະ​ນະ ມ​ສ ເມືອງ​ນານ​ໄປ 2-0 ແຊັດ ແລະ ກະ​ຕໍ້ຍິ-ຊາຍນັກ​ສຶກ​ສາວ​ຄຫຼບ ຊະ​ນະ ມ​ສ ເມືອງ​ນານ​ໄປ 2-0 ແຊັດ​ເຊັ່ນ​ກັນ.ຈຸດ​ປະ​ສົງ​ຂອງ​ການ​ມາ​ແລກ​ປ່ຽນ​ບົດ​ຮຽນ​ວຽກ​ງານ​ກິ​ລາ​ໃນ​ຄັ້ງ​ນີ້​ເພື່ອ​ເປັນ​ການ​ເຝີກ​ຊ້ອມ​ນັກ​ກິ​ລາ ແລະ ​ເສີມ​ສ້າງ​ຄວາມ​ຜູກ​ມິດ​ໄມ​ຕີ​ຈິດລະ​ຫວ່າງ 2 ພະ​ແນກ​ການ​ສຶກ​ສາ​ໃຫ້​ແນ້ນ​ແຟ້ນ​ໄປ​ເລື່ອຍໆ ແລະ ມີ​ບັນ​ຍ​າ​ກາດ​ທີ່​ອົບ​ອຸ່ນ​ຕະຫຼອດ​ໄປ.

ຂ່າວ​ສານ​ໂດຍ: ອ​ຈ ປະ​ນົມ​ພອນ ຄອນ​ສະ​ຫວັດ