News 2012

ວິທະຍາໄລຄູຫຼວງພະບາງເປີດຂະບວນການບັ້ນແຂ່ງຂັນ 4 ບຸກຂອງຄຊປປລ ຮາກຖານວິທະຍາໄລຄູຫຼວງພະບາງ

ໃນຕອນບ່າຍຂອງ ວັນທີ 21 ກຸມພາ 2018 ນີ້ ທີ່ຫ້ອງປະຊຸມຕຶກສາມຊັ້ນ ຂອງວິ​ທະ​ຍາ​ໄລ​ຄູຫຼວງພະບາງ ໄດ້ຈັດພິທີເປີດຂະບວນການບັ້ນແຂ່ງຂັນ 4 ບຸກຂອງ​ຄ​ຊ​ປ​ປ​ລ ວິ​ທະ​ຍາ​ໄລ​ຄູຫຼວງພະບາງ ໂດຍໃຫ້ກຽດເປັນປະທານຮ່ວມຂອງ ສະຫາຍ ອຸ່ນ​ຄຳ ສຸ​ວັນ​ນະ​ພັນ ຄະນະບໍລິຫານງານຊາວໜຸ່ມແຂວງຫຼວງ​ພະ​ບາງ, ສະຫາຍ ​ຫຸມ​ພັນ ຄອນ​ສະ​ຫວັດ ຮອງ​ເລ​ຂາ​ຄະ​ນະ​ພັກ​ຮາກ​ຖານ​ວິ​ທະ​ຍາ​ໄລ​ຄູຫຼວງພະບາງ, ສະຫາຍ ເມກ ແກ້ວ​ມະ​ນີ​ຄະ ເລຂາ​ຄະ​ນະ​ບໍ​ລິ​ຫານ​ງານຊາວໜຸ່ມ ວິ​ທະ​ຍາ​ໄລ​ຄູຫຼວງພະບາງ, ມີບັນດາແຂກຖືກເຊີນຈາກພາກສ່ວນທີ່ກ່ຽວຂ້ອງພ້ອມດ້ວຍສະມາຊິກໜ່ວຍຊາວໜຸ່ມຄູ-ອ​ຈານ ແລະ ນັກ​ສຶກ​ສາຂອງ ວິ​ທະ​ຍາ​ໄລ​ຄູຫຼວງພະບາງເຂົ້າຮ່ວມ.
ພ້ອມນີ້ໃນພິທີ ສະຫາຍ ເມກ ແກ້ວ​ມະ​ນີ​ຄະ ເລຂາ​ຄະ​ນະ​ບໍ​ລິ​ຫານ​ງານຊາວໜຸ່ມ ວິ​ທະ​ຍາ​ໄລ​ຄູຫຼວງພະບາງ ໄດ້ຂື້ນຜ່ານບົດລາຍງານ ການສ້າງຂະບວນການເປີດບັ້ນແຂ່ງຂັນ 4 ບຸກຂອງໜ່ວຍຊາວໜຸ່ມສະຫາຍ ເມກ ແກ້ວ​ມະ​ນີ​ຄະ ເລຂາ​ຄະ​ນະ​ບໍ​ລິ​ຫານ​ງານຊາວໜຸ່ມ ວິ​ທະ​ຍາ​ໄລ​ຄູຫຼວງພະບາງ ລວມເຖິງຄາດໝາຍສູ້ຊົນໂດຍຈະໄດ້ເລັ່ງໃສ່ຮັບປະກັນເນື້ອໃນຂໍ້ແຂ່ງຂັນ 4 ບຸກຂອງຊາວໜຸ່ມ ປປລ ເປັນ ຕົ້ນແມ່ນ ບຸກດ້ານແນວຄິດແມ່ນຈະໃຫ້ ບັນລຸໄດ້ 95% ຂື້ນໄປ, ບຸກດ້ານຝຶກຝົນຫຼໍ່ຫຼອມຮໍ່າຮຽນຂອງສະມາ ຊິກຊາວໜຸ່ມໃຫ້ບັນລຸ 88% ຂື້ນໄປ, ບຸກດ້ານວຽກງານການຈັດຕັ້ງແມ່ນໃຫ້ບັນລຸ 90% ຂີື້ນໄປ ແລະ ບຸກອັນທີສີ່ແມ່ນດ້ານວິຊາຊີບ-ສ້າງວຽກເຮັດງານທໍາ ແມ່ນ 90%.

ຈາກນັ້ນຄະນະຊາວໜຸ່ມກໍ່ໄດ້ຂື້ນຈັບມືສາມັກຄີ 4 ບຸກ ແລະ ເພື່ອເຮັດໃຫ້ພິທີມີຄວາມໝາຍສໍາຄັນ ແລະ ໜັກແໜ້ນຂື້ນຕື່ມນັ້ນ ສະຫາຍ ອຸ່ນ​ຄຳ ສຸ​ວັນ​ນະ​ພັນ ຄະນະບໍລິຫານງານຊາວໜຸ່ມແຂວງຫຼວງ​ພະ​ບາງ ກໍ່ໄດ້ມີຄໍາເຫັນໂອ້ລົມ ແລະ ໃຫ້ທິດຊີ້ນໍາຕໍ່ສະ​ມາ​ຊິກຊາວໜຸ່ມຂອງ ວິ​ທະ​ຍາ​ໄລ​ຄູຫຼວງ​ພະ​ບາງ ເຊິ່ງກ່ອນອື່ນສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ທາງ​ຄ​ຊ​ປ​ປ​ລຊ ວ​ຄຫຼບ ຍາດມາໄດ້ໃນໄລຍະຜ່ານມາ ແລະ ໃຫ້ພ້ອມກັນສົ່ງເສີມສິ່ງທີ່ເຮັດໄດ້, ແກ້ໄຂຈຸດບົກຜ່ອງ ເພື່ອຮັບປະກັນເຮັດໃຫ້ວຽກງານຂໍ້ແຂ່ງຂັນ 4 ບຸກ ຊາວໜຸ່ມ ປປລ ກໍ່ຄືຂອງຄ​ຊ​ປ​ປ​ລຊ ວ​ຄຫຼບ ໄດ້ບັນລຸຜົນເປັນຈິງຍິ່ງໃຫຍ່ກວ່າເກົ່າຕື່ມອີກ.

ຂ່າວ​ໂດຍ: ອ​ຈ ປະ​ນົມ​ພອນ ຄອນ​ສະ​ຫວັດ

ພາບ​ໂດຍ: ອ​ຈ ບົວ​ວັນ ພັນ​ທະ​ນິດ