News 2012

ສະຫະພັນກໍາມະບານວິທະຍາໄລຄູຫຼວງພະບາງ ປາຖະກະຖາເລົ່າມູນເຊື້ອວັນສ້າງຕັ້ງກໍາມະກອນສາກົນ.

ສະຫະພັນກໍາມະບານວິທະຍາໄລຄູຫຼວງ​ພະ​ບາງປາຖະກະຖາເລົ່າມູນເຊື້ອວັນສ້າງຕັ້ງກໍາມະກອນສາກົນ ວັນທີ 1ພຶດສະພາ ຄົບຮອບ 132 ປີ ຄື ວັນທີ 1 ພຶດສະພາ ປີ 1886 ຫາ 1 ພຶດສະພາ 2018 ພາຍໃຕ້ການເປັນປະທານຂອງ ສະ​ຫາຍ ຫຸມ​ພັນ ຄອນ​ສະ​ຫວັດ ​ຮອງ​ເລ​ຂາຄະນະພັກຮາກຖານ,ຮອງ​ຜູ້​ອຳ​ນວຍ​ການວິທະຍາໄລຄູຫຼວງ​ພະ​ບາງ, ສະ​ຫາຍ ​ສາຍ​ທອງ ແກ້ວ​ມະ​ນີ​ທ່ຽງ ຄະ​ນະ​ບໍ​ລິ​ຫານ​ງານ​ກຳ​ມະ​ບານ​ແຂວງ ປະ​ທານ​ກຳ​ມະ​ບານ​ວິ​ທະ​ຍາ​ໄລ​ຄູຫຼວງ​ພະ​ບາງ ແລະ ມີຈໍານວນສະມາຊິກກໍາມະບານທີ່​ເປັນ​ຄູ-ອາ​ຈານ ແລະ ຕົວ​ແທນນັກ​ສຶກ​ສາ​ທີ່​ເປັນ​ສະ​ມາ​ຊິກ​ກຳ​ມະ​ບານ​ທົ່​​ວ​ວິ​ທະ​ຍ​າ​ໄລ​ຄູຫຼວງ​ພະ​ບາງ. ໃນພິທີດັ່ງກ່າວ ສະຫາຍ ຫຸມ​ພັນ ຄອນ​ສະ​ຫວັດ ​ຮອງ​ເລ​ຂາຄະນະພັກຮາກຖານ,ຮອງ​ຜູ້​ອຳ​ນວຍ​ການວິທະຍາໄລຄູຫຼວງ​ພະ​ບາງ ໄດ້ຂຶ້ນຜ່ານເອກະສານມູນເຊື້ອວັນສ້າງຕັ້ງກໍາມະກອນສາກົນ ທີ 1 ພຶດສະພາ. ໃນເອກະສານໄດ້ຍົກໃຫ້ເຫັນສະພາບປະຫວັດສາດຂອງການຕໍ່ສູ້ຂອງຊົນຊັ້ນກໍາມະກອນສາກົນ ທີ່ພົ້ນເດັ່ນໃນໄລຍະຜ່ານມາ, ເປັນຕົ້ນແມ່ນຂະບວນການຕໍ່ສູ້ຂອງຊາວຜູ້ອອກແຮງງານຢູ່ບັນດາປະເທດທຶນນິຍົມ, ໂດຍສະເພາະພົ້ນເດັ່ນແມ່ນຢູ່ເມືອງ ຊີກາໂກ ປະເທດສະຫະລັດອາເມລິກາ ເຊິ່ງໄດ້ກາຍເປັນວັນສ້າງຕັ້ງ ກໍາມະກອນສາກົນ. ໃນວັນດັ່ງກ່າວໄດ້ກາຍເປັນຂີດໝາຍ ໃນການຕໍ່ສູ້ຂອງຊົນຊັ້ນກໍາມະກອນ ໃນການຕໍ່ສູ້ກັບ ຊົນຊັ້ນນາຍທຶນ, ໃນນັ້ນໄດ້ເຮັດໃຫ້ບັນດາປະເທດຕ່າງໆໃນໂລກ ໄດ້ລຸກຮື້ຂຶ້ນຕໍ່ສູ້ທວງເອົາສິດເສລີພາບຈາກຊົນຊັ້ນນາຍທຶນມາໃຫ້ຊົນຊັ້ນກໍາມະກອນ, ການລຸກຮື້ຂຶ້ນຂອງຊົນຊັ້ນກໍາມະກອນ ໄດ້ແຜ່ຂະຫຍາຍໄປທົ່ວໂລກ ເພື່ອທວງເອົາສິດທິທາງດ້ານ ເສດຖະກິດ, ສິດເສລີພາບ, ຄວາມເປັນເອກະລາດ ແລະ ອໍານາດອະທິປະໄຕອັນຄົບຖ້ວນໃຫ້ແກ່ຊົນຊັ້ນກໍາມະກອນ.

ຂ່າວ​ສານ​ໂດຍ: ສະ​ຫາຍ ປະ​ນົມ​ພອນ ຄອນ​ສະ​ຫວັດ