9 ນັກສຶກສາ ຕົວແທນທໍາມະຊາດເຂົ້າຮ່ວມງານຄວາມຮູ້ອາຊຽນ

9 ນັກສຶກສາ ຕົວແທນທໍາມະຊາດເຂົ້າຮ່ວມງານຄວາມຮູ້ອາຊຽນ

ໃນວັນທີ່ 20 ພະຈິກ ປີ 2013 ທາງໜ່ວຍງານຂ່າວສານ ພ້ອມດ້ວຍຄູອາຈານພາຍໃນຂະແໜງທໍາມະຊາດໄດ້ຈັດການຄັດເລືອກນັກສຶກສາ 20 ນ້ອງ ເຊິ່ງຈະຄັດ 9 ນ້ອງ ເພື່ອເຂົ້າຮ່ວມການແຂ່ງຂັນຕອບຄໍາຖາມຄວາມຮູ້ກ່ຽວກັບອາຊຽນທີ່ຈະຈັດຂຶ້ນໃນ ໃນວັນທີ 27 ພະຈິກປີນີ້ ຜົນການແຂ່ງຂັນພົບວ່າ ທ້າວຄໍາພອນ ສຸລິຜົນ ຫ້ອງ 3 ຈ ວິທະຍາສາດລະບົບ 12+4 ມີຄະແນນມາເປັນອໍາດັບທີ 1 ດ້ວຍຄະແນນ 40 ໃນຈໍານວນ 50 ຂໍ້ສອບ ລາຍລະອຽດມີດັ່ງນີ້

ຢືນກົ້ມ​ຫົວ​ໜຶ່ງ​ນາ​ທີ ໄຫວ້ອາໄລໃຫ້ດວງວິນຍານຂອງຜູ້ປະສົບເຫດຍົນຕົກ

ຢືນກົ້ມ​ຫົວ​ໜຶ່ງ​ນາ​ທີ ໄຫວ້ອາໄລໃຫ້ດວງວິນຍານຂອງຜູ້ປະສົບເຫດຍົນຕົກ

ຄົນລາວທົ່ວທັງປະເທດ ເມື່ອໄດ້ຍິນຂ່າວວ່າເກີດອຸປະຕິເຫດເຄື່ອງບິນຂອງສາຍການປິນລາວທີ່ມຸ່ງໜ້າສູ່ສະໜາມບິນປາກເຊຕົກກ່ອນລົງສູ່ສະໜາມບິນ ໃນວັນທີ 16 ຕຸລາ 2013 ເຮັດໃຫ້ມີຜູ້ເສຍຊີວິດທັງໝົດ 49 ສົບ ເຊິ່ງແມ່ນຜູ້ໂດຍສານ 44 ຄົນ ແລະ ພະນັກງານເຄື່ອງບິນ 5 ຄົນ. ຄວາມໂສກເສົ້າເສຍໃຈໄດ້ເຫາະເຫີນໄປທົ່ວທຸກຫົນທຸກແຫ່ງ ລວມທັງສະຖາບັນຂອງພວກເຮົາ ບາງຜ່ອງກໍຮ້ອງໄຫ້ ບາງກໍໂສກເສົ້າເສຍໃຈກັບເຫດການຢ່າງສຸດຊຶ້ງ…ເຖິງຢ່າງໃດກໍຕອນບ່າຍວັນທີ່ວັນທີ 21 ຕຸລາ 2013 ຄູ ແລະ ນັກ​ສຶກ​ສາ​ສອງ​ຂະ​ແໜງວິ​ທະ​ຍາ​ສາດ​ທຳ​ມະ​ຊາດ ພ້ອມ​ກັບ​ແຂະ​ແໜງ​ອະ​ນຸ​ບານ-ປະ​ຖົມ ຈຶ່ງຮ່ວມ​ກັນ​ກົ້ມ​ຫົວ​ໄຫວ້​ອາ​ໄລ​ໃຫ້​ແກ່ດວງວິນ​ຍານ​ຂອງ​ຜູ້​ເສຍ​ຊີ​ວິດ.

ນໍ້າໃຈ 7 ຕຸລາ

ນໍ້າໃຈ 7 ຕຸລາ

ເນື່ອງໃນໂອກາດວັນທີ 7 ຕຸລາ ປີ 2013 ນັກສຶກສາທໍາມະຊາດໄດ້ມີຂອງຂວັນໃຫ້ຄູ-ອາຈານ. ດັ່ງນັ້ນ, ທາງອາຈານກໍຂໍອວຍພອນນັກສຶກສາເຊັ່ນກັນ “ຂໍໃຫ້ນ້ອງໆຈົ່ງປະສົບຜົນສໍາເລັດໃນການຮຽນ ເປັນຄົນດີ ແລະ ມີຄວາມສຸກໃນຊີວິດ”  

ກອງ​ປະ​ຊຸມ​ສຳ​ມະ​ນາ​ຄວາມ​ຮູ້​ກ່ຽວ​ກັບ​ຄະ​ນິດ​ສາດ ແລະ ວິ​ທະ​ຍາ​ສາດ ໃຫ້​ແກ່​ຄູ​ສອນ ທີ່​ວິ​ທະ​ຍາ​ໄລ​ຄູຫຼວງ​ພະ​ບາງ

ກອງ​ປະ​ຊຸມ​ສຳ​ມະ​ນາ​ຄວາມ​ຮູ້​ກ່ຽວ​ກັບ​ຄະ​ນິດ​ສາດ ແລະ ວິ​ທະ​ຍາ​ສາດ ໃຫ້​ແກ່​ຄູ​ສອນ ທີ່​ວິ​ທະ​ຍາ​ໄລ​ຄູຫຼວງ​ພະ​ບາງ

ກອງ​ປະ​ຊຸມ​ໄດ້​ໄຂ​ຂຶ້ນ​ໃນ​ຕອນ​ເຊົ້າ​ຂອງວັນ​ທີ 17 ຕຸ​ລາ 2013 ເວ​ລາ 8:30 ໂມງ​ ໂດຍ​ການ​ເປັນ​ປະ​ທານ​ຂອງ​ທ່ານ ບຸນ​ສຸ​ວັນ ລັດ​ຕະ​ນາ    ຄະ​ນະ​ອຳ​ນວຍ​ການ​ວິ​ທະ​ຍາ​ໄລ​ຄູຫຼວງ​ພະ​ບາງ ເຊິ່ງກອງ​ປະ​ຊຸມ​ໃນ​ຄັ້ງ​ນີ້​ໄດ້​ດຳ​ເນີນ​ໄປ​ເປັນ​ເວ​ລາ​ສອງວັນ ຈຸດ​ປະ​ສົງ​ຂອງກອງ​ປະ​ຊຸ​ສຳ​ມະ​ນາ​ໃນ​ຄັ້ງ​ນີ້​ແມ່ນ​ເພື່ອ​ປັບ​ປຸງ​ ແລະ ຍົກ​ລະ​ດັບການ​ຮຽນ-​ການ​ສອນ​ໃຫ້​ມີ​ຄຸ​ນະ​ພາບ ​ການ​ສຳ​ມະ​ນາໃນ​ຄັ້ງ​ນີ້​ແມ່ນ​ໄດ້​ເນັ້ນ​ໜັກ​ກ່ຽວ​ກັບ​ວຽກ​ງານ​ວິ​ຊາ​ການ, ​ຮ່ວມ​ກັນແກ້​ໄຂ​ຂໍ້​ຂອງ​ໃຈກ່ຽວ​ກັບ​ເນື້ອ​ໃນ​ບົດ​ຮຽນ​ສອງ​ສາຍ​ວິ​ຊາຫຼັກ​ກໍ່ຄື ສາຍ​ຄະ​ນິດ​ສາດ ແລະ ລາຍ​ວິ​ທະ​ຍາ​ສາດ ເຊິ່ງກອງ​ປະ​ຊຸມ​ສຳ​ມະ​ນາ​ໃນ​ຄັ້ງ​ນີ້​ໄດ້​ສຳ​ເລັດ​ລຸ​ລ່ວງ​ໄປ​ດ້ວຍ​ດີ ເມື່ອ​ເວ​ລາ 16:00ໂມງ ຂອງວັນ​ທີ 18 ຕຸ​ລາ 2013 ກອງ​ປະ​ຊຸມ​ສຳ​ມະ​ນາກໍ່​ໄດ້​ປິດ​ລົງ ໂດຍ​ການ​ເປັນ​ປະ​ທານ​ຂອງ​ທ່ານ ບຸນ​ສຸ​ວັນ ​ລັດ​ຕະ​ນາ.

ເຊີນຊວນນັກສຶກສາທໍາມະຊາດ ເຂົ້າຮ່ວມເປັນສ່ວນໜຶ່ງຂອງການຕອບຄໍາຖາມ ຄວາມຮູ້ກ່ຽວກັບອາຊຽນ

ເຊີນຊວນນັກສຶກສາທໍາມະຊາດ ເຂົ້າຮ່ວມເປັນສ່ວນໜຶ່ງຂອງການຕອບຄໍາຖາມ ຄວາມຮູ້ກ່ຽວກັບອາຊຽນ

ເພື່ອເປັນການກະກຽມເຂົ້າສູ່ ເອອີຊີ ໃນປີ 2015. ດັ່ງນັ້ນ ທາງ 4 ຂະແໜງວິຊາສະເພາະ ຈຶ່ງໄດ້ກະກຽມຈັດງານກວດສອບ ຕອບຄໍາຖາມຄວາມຮູ້ກ່ຽວກັບອາຊຽນຂຶ້ນ ໃນທ້າຍເດືອນກະຈິກ ຫາ ຕົ້ນເດືອນທັນວາປີ 2013. ດັ່ງນັ້ນ ຈຶ່ງຂໍເຊີນຊວນນັກສຶກສາທີ່ສົນໃຈ ເຂົ້າຮ່ວມເປັນສ່ວນໜຶ່ງຂອງຂະແໜງ ດ້ວຍການກະກຽມຄວາມຮູ້ກ່ຽວກັບອາຊຽນ ເຊິ່ງໄດ້ແກ່ ເສດຖະກິດ ວັດທະນະທໍາ ການເມືອງ ການປົກຄອງ… ລາຍລະອຽດເພີ່ມເຕີມຕິດຕໍໄດ້ທາງອາຈານຜູ້ຮັບຜິດຊອບພາຍໃນຂະແໜງວິທະຍາສາດທໍາມະຊາດ ພິເສດ ສໍາລັບຊາວໜຸ່ມອາສາສະໝັກຂອງ ວຄຫຼບ ກໍເຂົ້າຮ່ວມຕອບຄໍາຖາມໄດ້ເຊັ່ນກັນ ລາຍລະອຽດຕິດຕໍ່ອາຈານຜູ້ຮັບຜິດຊອບຊາວໜຸ່ມອາສາ ວຄຫຼບ.