ກອງປະຊຸມສຳມະນາການບໍລິຫານ ວຽກງານພາຍໃນວິທະຍາໄລຄູ ຫຼວງພະບາງ

ໃນຕອນເຊົ້າຂອງວັນທີ 28 ກໍລະກົດ 2020 ທີ່ຫ້ອງປະຊຸມວິທະຍາໄລຄູ ໄດ້ເປີດກອງປະຊຸມສຳມະນາການບໍລິຫານວຽກງານພາຍໃນວິທະຍາໄລຄູຫຼວງພະບາງ ໂດຍການເປັນປະທານຂອງທ່ານ ສອນເພັດ ສີສະອາດ ຮອງຜູ່ອຳນວນການວິທະຍາໄລຄູຫຼວງພະບາງ ໃຫກຽດເປັນປະທານຮ່ວມໂດຍທ່ານ ທອງຫລໍ່ ຄຸນສະຫວັດ ຮອງຜູ້ອຳນວຍການ ຄະນະພັກຮາກຖານວິທະຍາໄລຄູ ຫຼວງພະບາງ ພ້ອມດ້ວຍບັນດາຫົວໜ້າຫ້ອງການ, ຮອງຫົວໜ້າຫ້ອງການ 10 ຫ້ອງການເຂົ້າຮ່ວມ ທັງໝົດ 23 ທ່ານ, ຍິງ 7 ທ່ານ.

ໃນກອງປະຊຸມໄດ້ແນະນຳຄູ່ມືວິທີການເຮັດວຽກຂອງວິທະຍາໄລຄູ, ຈາກນັ້ນໄດ້ສົນທະນາບາງໜ້າວຽກໃຫ້ຖືກຕາມພາລະບົດບາດ ແລະ ໜ້າທີ່ຄວາມຮັບຜິດຊອບຂອງແຕ່ລະພາກສ່ວນ ເພື່ອໃຫ້ສອດຄ່ອງກັບໜ້າວຽກຕົວຈິງ, ໃນເວລາຕໍ່ມາ ທ່ານ ທອງຫລໍ່ ຄຸນສະຫວັດ ຮອງຜູ່ອຳນວຍການ ຄະນະພັກຮາກຖານ ວິທະຍາໄລຄູຫຼວງພະບາງໄດ້ ຂຶ້ນຜ່ານຄໍາສັ່ງຂອງກົມການເມືອງສູນກາງພັກ ເລກທີ 01/ກມສພ ລົງວັນທີ 3 ມັງກອນ 2018 ວ່າດ້ວຍການເພີ່ມທະວີກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ລວມທັງວຽກງານຄຸ້ມຄອງພັກ-ພະນັກງານ ເພື່ອໃຫ້ບັນດາຄະນະພັກ ຄູ-ອາຈານ ພະນັກງານພາຍໃນວິທະຍາໄລຄູ ເອົາໃຈໃສ່ຮໍ່າຮຽນເຊື່ອມຊຶມແນວທາງ ແຜນນະໂຍບາຍ ມະຕິ ຄຳສັ່ງ ກົດລະບຽບຂອງພັກ, ກົດໝາຍ ແລະ ລະບຽບການຕ່າງໆຂອງລັດຢ່າງທົ່ວເຖິງ ແລະ ຄົບຖ້ວນ.

ຂ່າວສານໂດຍ: ປຕ ສຸລິຈັນ ສຸກສະຫວັດ

ພາບໂດຍ: ປຕ ສຸລິຈັນ ສຸກສະຫວັດ

ໜ່ວຍງານເກັບກຳຂໍ້ມູນຂ່າວສານ: ຫ້ອງການວັດ-ປະເມີນຜົນ ວິທະຍາໄລຄູຫຼວງພະບາງ