ກອງ​ປະ​ຊຸມ​ປະ​ຈຳ​ສົກ​ຮຽນ 2018-2019 ທີ່​ວິ​ທະ​ຍາ​ໄລ​ຄູຫຼວງ​ພະ​ບາງ

ໃນວັນທີ 03-05 ກັນຍາ 2019 ນີ້, ວິທະຍາໄລຄູຫຼວງ​ພະ​ບາງ  ໄດ້ຈັດກອງປະຊຸມປະຈໍາປີ 2018 – 2019 ຢ່າງເປັນທາງການຢູ່ທີ່​ຫ້ອງ​ປະ​ຊຸມວິທະຍາໄລຄູຫຼວງ​ພະ​ບາງ, ໂດຍພາຍໃຕ້ການເປັນປະທານຂອງທ່ານ ບຸນ​ສຸ​ວັນ ລັດ​ຕະ​ນາ ຜູ້ອຳນວຍການວິທະຍາໄລຄູຫຼວງ​ພະ​ບາງ  ພ້ອມດ້ວຍການເຂົ້າຮ່ວມຂອງຄະນະ​ອຳນວຍການ,ຄູ – ອາຈານ ແລະ ພະນັກງານເຂົ້າຮ່ວມທັງໝົດ164 ທ່ານ.
ໃນກອງປະຊຸມດັ່ງກ່າວບັນດາຄູ-ອາ​ຈານໄດ້ຮັບຟັງ ແລະ ເຊື່ອມຊຶມບັນດາເນື້ອໃນຂອງກອງປະຊຸມເຊັ່ນ: ມະຕິກອງປະຊຸມ​ຜູ້​ບໍ​ລິ​ຫານ​ການ​ສຶກ​ສາ​ທົ່ວ​ປະ​ເທດປະຈໍາປີ 2019 ​ທີ່​ແຂວງ​ວຽງ​ຈັນ ໃນ​ວັນ​ທີ່ 29-31 ກໍ​ລະ​ກົດ,ມະຕິກອງປະຊຸມຜູ້​ບໍ​ລິ​ຫານ​ສະ​ຖາ​ບັນ​ສ້າງ​ຄູ​ທົ່ວ​ປະ​ເທດ​ວັນ​ທີ່ 26-27 ມິ​ຖຸ​ນາ 2019 ທີ່​ວິ​ທະ​ຍາ​ໄລ​ຄູ​ສາ​ລາ​ວັນ, ບົດສະຫຼຸບການຕີ​ລາ​ຄາ​ການຈັດຕັ້ງປະຕິບັດ​ແຜນ​ພັດ​ທະ​ນາ ວິ​ທະ​ຍາ​ໄລ​ຄູຫຼວງ​ພະ​ບາງ ໃນ​ສົກ​ຮຽນ 2018-2019 ແລະ ຮັບ​ຮອງ​ທິດ​ທາງ​ແຜນ​ການ​ພັດ​ທະ​ນາ ວ​ຄ ຫຼບ ສົກ​ຮຽນ 2019-2020 ຢ່າງ​ເປັນ​ເອ​ກະ​ສັນ​ທຸກ​ບັນ​ຫາ, ແຕ່​ລະ​ພາກ​ສ່ວນ, ໄດ້​ສະຫຼຸບ​ຕີ​ລາ​ຄາ​ຄືນການ​ຈັດ​ຕັ້ງ​ປະ​ຕິ​ບັດ​ແຜນ​ການ ແລະ ຜົນ​ສຳເລັດ​ຮອບ​ດ້ານ​ຂອງ​ຂະ​ແໜງ​ການ​ຂອງ​ຕົນ​ເຫັນ​ວ່າ​ມີ​ຜົນ​ສຳ​ເລັດຫຼາຍ​ດ້ານ​ຊຶ່ງ​ສະ​ແດງ​ອອກ​ໃຫ້​ເຫັນ​ວ່າ​ທ່ານ​ລັດ​ຖະ​ມົນ​ຕີ​ໄດ້​ຕົກ​ລົງ​ຮັບ​ຮອງ​ໃຫ້​ວິ​ທະ​ຍາ​ໄລ​ຄູຫຼວ​ງ​ພະ​ບາງ​ເປັນ​ວິ​ທະ​ຍາ​ໄລ​ຄູ​ທີ່​ກຳ​ລັງ​ພັດ​ທະ​ນາ ຫຼື COD ແລະ ໄດ້​ຜ່ານ​ແຜນ​ການ​ພັດ​ທະ​ນາ​ໃນ​ຂະ​ແໜງ​ການ, ຫ້ອງ​ການ​ຂອງ​ຕົນ​ຢ່າງ​ມີ​ຈຸດ​ສຸມ, ມີ​ຄາດ​ໝາຍ, ມີ​ໂຄງ​ການ​ທີ່​ດີ​ສົມ​ຄວນ, ບັນ​ດາ​ຮອງ​ອຳ​ນວຍ​ການ, ຫົວ​ໜ້າ​ຫ້ອງ​ການ, ຄູ-ອາ​ຈານ ແລະ ພະ​ນັກ​ງານ​ທຸກ​ຄົນ​ໄດ້​ສຸມ​ຈິດ​ສຸມ​ໃຈ​ປະ​ກອບ​ຄຳ​ຄິດ​ຄຳເຫັນຕໍ່​ບົດ​ສະຫຼຸບ, ແຜນ​ພັດ​ທະ​ນາ​ວິ​ທະ​ຍາ​ໄລ​ຄູຫຼວງ​ພະ​ບາງ ສົກ​ຮຽນ 2019-2020, ແຜນ​ພັດ​ທະ​ນາ​ຫ້ອງ​ການ, ຂະ​ແໜງ​ການ​ຂອງ​ຕົນ​ແລກ​ບົດ​ຮຽນ​ຊຶ່ງ​ກັນ ​ແລະ​ ກັນ ຢ່າງ​ກົງ​ໄປ​ກົງ​ມາ​ບົນ​ພື້ນ​ຖານ​ຄວາມ​ສາ​ມັກ​ຄີ, ຈິ​ງ​ໃຈ​ຕຳ​ນິ​ຊົມ​ເຊີ່ງ​ກັນ ແລະ ກັນ​ເຮັດ​ໃຫ້​ພາກ​ສ່ວນ​ທີ່​ຖືກ​ປະ​ກອບ​ຄຳ​ເຫັນ​ສາ​ມາດ​ຮັບ​ເອົາ​ໄປ​ພິ​ຈາ​ລະ​ນາ ແລະ ເຂົ້າ​ເປັນ​ແຜນ​ຂອງ​ຕົນ, ການ​ວາງ​ແຜນ​ທີ່​ຖືກ​ຕ້ອງ ແລະ ການ​ຈັດ​ຕັ້ງ​ປະ​ຕິ​ບັດຢ່າງ​ມີ​ປະ​ສິ​ທິ​ຜົນ​ຂອງ​ຄູ-ອາ​ຈານ.

​ບັນ​ຍາ​ກາດ​ຂອງກອງ​ປະ​ຊຸມ​ໄດ້​ມີ​ການ​ສົນ​ທະ​ນາ​ແລກ​ປ່ຽນ​ຄຳ​ຄິດ​ຄຳ​ເຫັນ​ຢ່າງ​ກົງ​ໄປ​ກົງ​ມາ ແລະ ໃນ​ຕອນ​ທ້າຍ​ຂອ​ງກອງ​ປະ​ຊຸມ​ໄດ້​ຮັບ​ຟັງ​ການ​ໃຫ້​ຄຳ​ໂອ​ວາດ​ຂອງ​ທ່ານ ບຸນ​ສຸ​ວັນ ລັດ​ຕະ​ນາ ຜູ້​ອຳ​ນວຍ​ການ​ວິ​ທະ​ຍາ​ໄລ​ຄູຫຼວງ​ພະ​ບາງ ເຊັ່ນ ເພື່ອ​ເຮັດ​ໃຫ້​ວິ​ທະ​ຍາ​ໄລ​ຄູຫຼວງ​ພະ​ບາງ​ຮັກ​ສາ​ມູນ​ເຊື້ອ​ ແລະ ຜົນ​ງານ​ທີ່​ຍາດ​ມາ​ໄດ້​ພ້ອມ​ທັງ​ສູ້​ຊົນ​ປະ​ຕິ​ບັດ​ແຜນ​ທີ່​ວາງ​ໄວ້​ໃຫ້​ປະ​ກົດ​ຜົນ​ເປັນ​ຈິງນັ້ນ​ປະ​ກອບ​ມີ​ຄື: ໃຫ້​ຖື​ເອົາ​ຄວາມ​ສາ​ມັກ​ຄີ​ເປັນ​ກົກ​ດ້ວຍ​ການ​ສຳຫຼວດກວດ​ກາ​ໃຫ້​ເປັນ​ປົກ​ກະ​ຕິ, ເອົາ​ໃຈ​ໃສ່​ຄົ້ນ​ຄວ້າ, ເຊື່ອມຊືມ​ແນວ​ທາງ​ນະ​ໂຍ​ບາຍ ແລະ ມະ​ຕິ​ຄຳ​ສັ່ງ, ພັດ​ທະ​ນາ​ວຽກ​ງານ​ວິ​ຊາ​ການ​ໂດຍ​ເລັ່ງ​ໃສ່​ຄຸນ​ນະ​ພາບ​ການ​ຮຽນ-ການ​ສອນ​ເປັຫຼັກ, ເອົາ​ໃຈ​ໃສ່​ປັບ​ປຸງ​ແຜນ​ວິ​ທີ​ເຮັດ​ວຍກ​ໃຫ້​ສອດ​ຄ່ອງ​ຕາມຫຼັກ​ການ​ລວມ​ສູນ​ປະ​ຊາ​ທິ​ປະ​ໄຕ​ສຽ​ສ່ວນ​ໜ້ອຍ​ຂື້ນ​ກັບ​ສຽງ​ສວນຫຼາຍ, ປັບ​ປຸງ​ການ​ຈັດ​ຕັ້ງ​ພາຍ​ໃນ​ຫ້ອງ​ການ​ໃຫ້​ສອດ​ຄ່ອງ​ກັບ​ພາ​ລະ​ບົດ,ວຽກ​ງານ​ປະ​ກັນ​ຄຸນ​ນະ​ພາບ​ໃຫ້​ແຕ່​ລະ​ພາກ​ສ່ວນກວດ​ກາ​ຄືນ​ບັນ​ດາ​ມາດ​ຖານ​ຕ່າງໆ​ທີ່​ກ່ຽວ​ຂ້ອງ​ກັບ​ໜ້າ​ວຽກ​ຂອງ​ຕົນ, ເຄື່ອນ​ໄຫວ​ກິດ​ຈະ​ກຳ ແລະ ສ້າງ​ຂະ​ບວນ​ການ​ຕ່າງໆ​ໃຫ້​ມີ​ຂະ​ບວນ​ຟົດ​ຟື້ນ, ປັບ​ປຸງ​ນິ​ຕິ​ກຳ​ຕ່າງໆ​ໃຫ້​ສອດ​ຄ່ອງ​ກັບ​ສະ​ພາບ​ຄວາມ​ເປັນ​ຈິງ​ເປັນ​ຕົ້ນ.

ຂ່າວ​ສານ​ໂດຍ: ຜູ້​ຊ່ວຍ​ອາ​ຈານ ປະ​ນົມ​ພອນ ຄອນ​ສະ​ຫວັດ

ຖ່າຍ​ພາບ: ທ່ານ ນາງ ບົວ​ວັນ ພັນ​ທະ​ນິດ

ໜ່ວຍ​ງານ​ຂໍ້​ມູນ​ຂ່າວ​ສານ