ຄະນະອຳນວຍການ ວິທະຍາໄລຄູ ຫຼວງພະບາງ ຕ້ອນຮັບຄະນະ ອຈ ແລະ ນັກສຶກສາ ຈາກມະຫາວິທະຍາໄລ ຊິນຈູ ປະເທດເກົາຫຼີໃຕ້

      ​ໃນວັນ​ທີ 15 ​ກໍ​ລະ​ກົດ (7) 2018  ທີ່​ຫ້ອງ​ປະ​ຊຸມວິ​ທະ​ຍາ​ໄລ​ຄູຫຼວງ​ພະ​ບາງ ໄດ້​ຕ້ອນ​ຮັບ​ຄູ-ອາຈານ​ແລະ ນັກ​ສຶກ​ສາ​ຈາກ​ມະ​ຫາວິທະຍາໄລຄູ​​ຊິນ​ຈູ ຈາກ​ປະ​ເທດ​ເກົາ​ລີ,  ໂດຍ​ເປັນ​ປະ​ທານ​ຮ່ວມຂອງ ທ່ານ ​ຫຸມ​ພັນ ​ຄອນ​ສະ​ຫວັດ ​ຮອງຜູ້​ອຳ​ນວຍ​ ຝ່າຍ​​ສົ່ງວິ​ຊາ​ການ, ທ່ານ ຮ່າ ມູນ​ຊູ ຕ່າງ​ໜ້າ​ຄະ​ນະ​ອະ​ທິ​ການ​ບໍ​ດີ ມະ​ຫາ​ວິ​ທະ​ຍາ​ໄລ​ຊິນ​ຈູ, ທ່ານ ສອນ​ເພັດ ສີ​ສະ​ອາດ ຮອງຜູ້​ອຳ​ນວຍ​ການ ຝ່າຍວັດ​ປະ​ເມີນ​ຜົນ ແລະ ພັດ​ທະ​ນາ​ຄູ  , ​. ຕໍ່​ພິ​ທີ​ດັ່ງ​ກ່າວ ທ່ານ ຫຸມພັນ ຄອນສະຫວັດ ໄດ້​ສະ​ເໜີ​ຂໍ້​ມູນ​ໂດຍ​ລວມກ່ຽວ​ກັບ​ວິທະຍາໄລຄູຫຼວງ​ພະ​ບາງ ສູ່​ບັນ​ດາ​ຄູ-ອາຈານມະ​ຫາວິທະຍາໄລຄູ​​ຊິນ​ຈູ ຈາກ​ປະ​ເທດ​ເກົາ​ລີ ໄດ້​ຮັບ​ຮູ້​ບາງ​ພາກ​ສ່ວນ​ເຊັ່ນ​ວ່າ: ສະ​ພາບ​ໂດຍ​ລວມ​ ແລະ ການ​ບໍ​ລິ​ຫານ​ຂອງວິທະຍາໄລຄູຫຼວງ​ພະ​ບາງ, ຫຼັກ​ສູດ​ການ​ຮຽນ​-ການ​ສອນພ້ອມ​ດ້ວຍ​ວຽກ​ງານ​ການ​ເຄື່ອນ​ໄຫວ​ກິດ​ຈະ​ກຳ​ຕ່າງໆ​ທີ່​ສຳ​ຄັນ. ຈຸດປະສົງຂອງການມາພົບແລກປ່ຽນຄັ້ງ​ນີ້​ເພື່ອກະ​ກຽມ​ຂໍ້​ມູນ​ການ​ເຊັ່ນ MOU ຮ່ວມ​ກັນ ແລະ ​ການ​ສ້າງ​ກິດ​ຈະ​ກຳ​ຮ່ວມ​ກັບ​ນັກ​ຮຽນ​ປະ​ຖົມ​ສາ​ທິດ ໃນ​ວັນ​ທີ່ 16.72019 ຈາກນັ້ນ​ແຕ່ລະພາກສ່ວນຂອງທັງສອງສະ​ຖາ​ບັນ ກໍໄດ້ແບ່ງສ່ວນການລາຍງານຂໍ້ມູນຮ່ວມກັນໄປຕາມພາລະບົດບາດຂອງແຕ່ລະໜ້າວຽກ. ຫຼັງຈາກສຳເລັດການສົນທະນາແລກປ່ຽນບົດຮຽນເຊີ່ງກັນ ແລະ ກັນແລ້ວ, ກໍ​ໄດ້​ມີ​ພິ​ທີ​ມອບ​ຂອງ​ທີ​ລະ​ນຶກຈາກມະ​ຫາວິທະຍາໄລຄູ​​ຊິນ​ຈູ ຈາກ​ປະ​ເທດ​ເກົາ​ລີ,ຖ່າຍ​ພາບ​ລວມ​ຮ່ວມ​ກັນ.

ຂ່າວ​ສານ​ໂດຍ: ຜູ້​ຊ່ວຍ​ອາ​ຈານ ປະ​ນົມ​ພອນ ຄອນ​ສະ​ຫວັດ

ໜ່ວຍ​ງານ​ຂໍ້​ມູນ​ຂ່າວ​ສານ