ງານວິທະຍາສາດ ແລະ ວັດທະນະທຳບັນດາເຜົ່າ ວິທະຍາໄລຄູຫຼວງພະບາງ

ວັນທີ 28 ທັນວາ 2018 ທີ່ວິທະຍາໄລຄູຫຼວງພະບາງ ໄດ້ເປີດງານວິທະຍາສາດ ແລະ ວັດທະນະທຳບັນດາເຜົ່າ ປະຈຳສົກຮຽນ 2018-2019 ຂຶ້ນຢ່າງເປັນທາງການ ໂດຍພາຍໃຕ້ການເປັນປະທານຂອງທ່ານ ປ.ໂທ ສອນ​ເພັດ ສີ​ສະ​ອາດ ​ຮອງຜູ້ອຳນວຍການວິທະຍາໄລຄູຫຼວງພະບາງ,​ທ່ານ ສົມ​ລິດ ຈັນ​ທະ​ມາ​ລີ ຮອງ​ຫົວ​ໜ້າ​ພະ​ແນກ​ສຶກ​ສາ​ທິ​ການ ແລະ ກິ​ລາແຂວງຫຼວງ​ພະ​ບາງ, ມີຄະນະອຳນວຍການ, ຕາງໜ້າອົງການຈັດຕັ້ງມະຫາຊົນ,  ແຂກຖືກເຊີນ,  ມີຫົວໜ້າຫ້ອງການ , ຮອງຫົວໜ້າຫ້ອງການ, ຄູ-ອາຈານ , ນັກສຶກສາເຂົ້າຮ່ວມຢ່າງ​ຄັບ​ຄາໜາໜ້ນ. ການຈັດງານບຸນວິທະຍາສາດ ແລະ ວັດທະນະທຳບັນດາເຜົ່າ ທາງວິທະຍາໄລຄູຫຼວງພະບາງແມ່ນໄດ້ຈັດຂຶ້ນໃນເດືອນທັນວາຂອງທຸກໆປີ ແລະ ປີນີ້ກໍເປັນປີໜຶ່ງທີ່ມີການຈັດການແຂ່ງຂັນລາຍການຕ່າງໆ  ເຊິ່ງແຕ່ລະຫ້ອງການແມ່ນໄດ້ຫ້າງຫາກະກຽມເພື່ອຈະເອົາ​ສື່​ການ​ຮຽນ-ການ​ສອນ​ໃນ​ຂະ​ແໜງຂອງຕົນມາວາງສະແດງໃນງານປະກອບມີການປະກວດສິ່ງປະດິດ, ອາຫານຄາວ-ຫວານ,  ສື່ການຮຽນ-ການສອນ ແລະ ການສະແດງວັດທະນະທຳບັນດາເຜົ່າ.ເຊີ່ງ​ທ່ານ ປ.ໂທ ສອນ​ເພັດ ສີ​ສະ​ອາດ ໄດ້​ຂື້ນ​ຜ່ານ​ການ​ເຄື່ອນ​ໄຫວ​ກິດ​ຈະ​ກຳ” ໃນພິທີທ່ານປະທານ ແຂກຖືກເຊີນ ກຳມະການ ໄດ້ເລາະ​ຊົມເບິ່ງຊົມ​ບູດ​ວາງ​ສະ​ແດງສື່ການ​ຮຽນ-ການສອນ, ບູດ​ຜະ​ລິດສິ່່ງປະດິດ​ຂອງ​ແຕ່​ລະ​ຊົນ​ເຜົ່າ,ຊີມລົດຊາດ​ອາ​ຫານ​ຄາວ​ຫວ່ານ​ຂອງ​ແຕ່​ລະ​ຊົນ​ເຜົ່າ ແລະ ຮັບຊົມການສະແດງວັດທະນະທຳຂອງແຕ່ລະ​ຊົນ​ເຜົ່າ, ເຊີ່ງ​ປະ​ກອບ​ມີ 4 ຊົນ​ເຜົ່າ​ດ້ວຍ​ກັນ​ຄື: ຊົນ​ເຜົ່າ​ລາວ, ກຶມ​ມຸ, ມົ້ງ, ລື້ ແລະ ຜົນການປະກວດແຕ່ລະລາຍການມີດັ່ງນີ້:

  1. ສິ່ງປະດິດ

ອັນດັບທີ 1 ​ເຜົ່າ​ກຶມ​ມຸ

ອັນດັບທີ 2 ​ເຜົ່າ​ລາວ

ອັນດັບທີ 3 ​ເຜົ່າ​ມົ້ງ

ອັນດັບທີ 4 ​ເຜົ່າ​ລື້

  1. ອາຫານຫວານ-ຄາວ

ອັນດັບທີ 1 ເຜົ່າ​ລື້

ອັນດັບທີ 2 ເຜົ່າ​ລາວ

ອັນດັບທີ 3 ເຜົ່າ​ກຶມ​ມຸ

ອັນດັບທີ 4 ເຜົ່າ​ມົ້ງ

  1. ສື່ການຮຽນ-ການສອນ

ອັນດັບທີ 1 ຂະແໜງວິທະຍາສາດທຳມະຊາດ

ອັນດັບທີ 2 ຂະແໜງອະນຸບານ-ປະຖົມ ອັນດັບທີ 3 ຂະແໜງພາສາຕ່າງປະເທດ

ອັນດັບທີ 4 ຂະແໜງວິທະຍາສາດສັງຄົມ

  1. ວັດທະນະທຳບັນດາເຜົ່າ

ອັນດັບທີ 1 ເຜົ່າ​ກຶມ​ມຸ

ອັນດັບທີ 2 ເຜົ່າ​ມົ້ງ

ອັນດັບທີ 3 ເຜົ່າ​ລື້

ອັນດັບທີ 4 ເຜົ່າ​ລາວ

ຂ່າວ​ສານ​ໂດຍ: ຜູ້​ຊ່ວຍ​ອາ​ຈານ ປະ​ນົມ​ພອນ ຄອນ​ສະ​ຫວັດ

ຖ່າຍ​ພາບ​ໂດຍ: ປ.ຕີ ບົວ​ວັນ ພັນ​ທະ​ນິດ

ໜ່ວຍ​ງານ​ຂໍ້​ມູນ​ຂ່າວ​ສານ