ພິທິມອບ-ຮັບ ເຄື່ອງຊ່ວຍເຫຼືອຈາກອາຈານ ມະຫາວິທະຍາໄລແຫ່ງຊາດຊິນຈູ, ໂຮງຮຽນປະຖົມສາມດົງ ແລະ ຜູ້ປະສານງານໂຄງການ ສ.ເກົາຫຼີ ປະຈຳລາວ ໃຫ້ແກ່ຄູ ແລະ ນັກສຶກສາວິທະຍາໄລຄູຫຼວງພະບາງ

ໃນຕອນບ່າຍຂອງວັນທີ 04 ພຶດສະພາ 2021, ທີ່ເດີ່ນໜ້າຫ້ອງການ ວິທະຍາໄລຄູຫຼວງພະບາງ ໄດ້ມີພິທີມອບ-ຮັບ ເຄື່ອງຊ່ວຍເຫຼືອອຸປະໂພກ-ບໍລິໂພກ ຈາກອາຈານມະຫາວິທະຍາໄລແຫ່ງຊາດຊິນຈູ, ໂຮງຮຽນປະຖົມສາມດົງ ແລະ ຜູ້ປະສານງານໂຄງການ ສ.ເກົາຫຼີ ປະຈຳລາວ ໃຫ້ແກ່ຄູ-ອາຈານ ແລະ ນັກສຶກສາວິທະຍາໄລຄູຫຼວງພະບາງ ລວມມູນຄ່າ 14,500,000 ກີບ. ໃຫ້ກຽດຕາງໜ້າກ່າວມອບໂດຍ ທ່ານ Park Tae Young ຜູ້ປະສານງານໂຄງການ ສ.ເກົາຫຼີ ປະຈຳລາວ ແລະ ຕາງໜ້າກ່າວຮັບໂດຍ ທ່ານ ປທ ຫຸມພັນ ຄອນສະຫວັດ ຜູ້ອຳນວຍການວິທະຍາໄລຄູຫຼວງພະບາງ, ເຊິ່ງມີບັນດາຜູ້ຕາງໜ້າ ທັງສອງຝ່າຍ ແລະ ບັນດາຫົວໜ້າຫ້ອງການ, ຄູ-ອາຈານ, ພະນັກງານ, ນັກສຶກສາເຂົ້າຮ່ວມຢ່າງພ້ອມພຽງ. ໂອກາດດັ່ງກ່າວ ທ່ານ ປທ ຫຸມພັນ ຄອນສະຫວັດ ຜູ້ອຳນວຍການວິທະຍາໄລຄູຫຼວງພະບາງ ກໍໄດ້ຕາງໜ້າທາງຄູ-ອາຈານ ແລະ ນັກສຶກສາ ຂໍສະແດງຄວາມຂອບໃຈເປັນຢ່າງສູງ ໂດຍຜ່ານ ທ່ານ Park Tae Young ໄປຍັງ ອາຈານ ມະຫາວິທະຍາໄລແຫ່ງຊາດຊິນຈູ, ໂຮງຮຽນປະຖົມສາມດົງ ແລະ ຜູ້ປະສານງານໂຄງການ ສ.ເກົາຫຼີ ປະຈຳລາວ ທີ່ມີຄວາມເປັນຫ່ວງເປັນໄຍຊີວິດການເປັນຢູ່ ແລະ ໃຫ້ການຊ່ວຍເຫຼືອວິທະຍາໄລຄູຂອງພວກເຮົາ. ສິ່ງເຫຼົ່ານີ້ ເປັນການສະແດງເຖິງນໍ້າໃຈເອື້ອເຟື້ອເພື່ອແຜ່, ສະແດງເຖິງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີ ແລະ ການຮ່ວມມື ລະຫວ່າງ ວິທະຍາໄລຄູຫຼວງພະບາງ ກັບ ມະຫາວິທະຍາໄລແຫ່ງຊາດຊິນຈູ ແລະ ໂຮງຮຽນປະຖົມສາມດົງ ໃຫ້ນັບມື້ນັບແຕກດອກອອກຜົນຍິ່ງໆຂຶ້ນໄປ.
ຂ່າວສານໂດຍ: ປຕ ສຸລິຈັນ ສຸກສະຫວັດ
ພາບໂດຍ: ປຕ ບົວວັນ ພັນທະນິດ ໜ່ວຍງານເກັບກຳ-ສັງລວມຂໍ້ມູນ/ຂ່າວສານ ຫ້ອງການວັດຜົນ-ປະເມີນຜົນ ວິທະຍາໄລຄູຫຼວງພະບາງ

ຂ່າວສານໂດຍ: ປຕ ສຸລິຈັນ ສຸກສະຫວັດ
ພາບໂດຍ: ປຕ ບົວວັນ ພັນທະນິດ ໜ່ວຍງານເກັບກຳ-ສັງລວມຂໍ້ມູນ/ຂ່າວສານ ຫ້ອງການວັດຜົນ-ປະເມີນຜົນ ວິທະຍາໄລຄູຫຼວງພະບາງ