ພິທີປິດການແຂ່ງຂັນກິລານັກສຶກສາທີ່ວິທະຍາໄລຄູຫຼວງພະບາງ ປະຈຳສົກຮຽນ 2019-2020

ງານແຂ່ງຂັນນັກກິລານັກສຶກສາໄດ້ຈັດຂື້ນຢູ່ທີ່ ວິທະຍາໄລຄູຫຼວງພະບາງ ໃນລະຫວ່າງວັນທີ່ 16 ຕຸລາ ແລະ ປິດລົງໃນວັນທີ່ 29 ພະຈິກ 2019 ໂດຍການເປັນປະທານຂອງທ່ານ ທອງຫຼໍ່ ຄຸນ​ສະ​ຫວັດ ​ຮອງຜູ້ອໍານວຍການວິທະຍາໄລຄູຫຼວງພະບາງ,​ ທ່ານ ສອນເພັດ ສີສະອາດ ​ຮອງຜູ້ອໍານວຍການວິທະຍາໄລຄູຫຼວງພະບາງ, ທ່ານ ຫຸມ​ພັນ ຄອນ​ສະ​ຫວັດ ຮອງຜູ້ອໍານວຍການ, ​ມີ​ທ່ານ ແສງ​ທອງ ຟອງວິ​ໄລ ຮັກສາການຫົວ​ໜ້າ​ຫ້ອງ​ການ​ກິດ​ຈະ​ການ​ນັກ​ສຶກ​ສາ, ມີ​ຄູ-ອາ​ຈານ ແລະ ນັກ​ສຶກ​ສາ, ກ້ອນກໍາລັງຕ່າງໆ,ກໍາມະການຕັດສິນມີທັງໝົດ 8 ທ່ານ ແລະ ນັກກິລາຈາກ 9 ສາ​ຂາ​ວິ​ຊາ​ສະ​ເພາະ, ຜູ້ຊົມຜູ້ເຊຍລວມທັງໝົດ 600 ກ່ວາຄົນ. ໃນພິທີ ທ່ານ ​ແສງ​ທອງ ຟອງວິ​ໄລ ຮັກສາການ​ຫົວ​ນ້າ​ຫ້ອງ​ການ​ກິດ​ຈະ​ການ​ນັກ​ສຶກ​ສາ ໄດ້ຂື້ນລາຍງານຜົນ​ບົດ​ສະຫຼຸບຂອງການແຂ່ງຂັນກິລາ​ປະ​ຈຳ​ສົກ​ຮຽນ 2019-2020 ຄັ້ງນີ້ວ່າ: ໂດຍ​ປະ​ຕິ​ບັດ​ຕາມ​ແຜນ​ພັດ​ທະ​ນາ​ອາ​ຊີບ​ຄູ​ທີ່​ກະ​ຊວງ​ສຶກ​ສາ​ທິ​ການ ແລະ ກິ​ລາ​ວາງ​ອອກ ກໍ​ຄື​ວິ​ທະ​ຍາ​ໄລ​ຄູຫຼວ​ງ​ພະ​ບາງ​ໄດ້​ວາງ​ອອກ ໂດຍ​ຖື​ເອົາ​ວຽກ​ການ​ຮຽນ-ການ​ສອນ ຕ້ອງ​ຕິດ​ພັນ​ກັບ 5 ຫຼັກ​ມູນ​ການ​ສຶກ​ສາ​ຂອງ​ພັກ​ວາງ​ອອກ ແລ​ະ ອີງ​ຕາມ​ການ​ຕົກ​ລົງ​ເຫັນ​ດີ​ຂອງ​ຄະ​ນະ​ອຳ​ນວຍ​ການ, ຄະ​ນະ​ຮັບ​ຜິດ​ຊອບ​ຈັດ​ການ​ແຂ່ງ​ຂັນ ແລະ ຄວາມ​ເປັນ​ເອ​ກະ​ພາບ​ກັນ​ໃນ​ກອງ​ປະ​ຊຸມ​ກ່ຽວ​ກັບ​ການ​ແຂ່ງ​ຂັນ​ກິ​ລາ ປະ​ຈຳ​ສົກ​ຮຽນ 2019-2020 ແລະ ເພື່ອເປັນການຄັດເລືອກເອົານັກກິລາທີ່ດີເດັ່ນເຂົ້້າຮ່ວມການແຂ່ງຂັນກິລາວິຊາຊີບທີ່ວິທະຍາໄລການເງີນເປັນເຈົ້າພາບ ໃນການເດືອນທັນວາທີ່ຈະມາເຖິ່ງນີ້. ດັ່ງ​ນັ້ນ, ການ​ແຂ່ງ​ຂັນ​ກິ​ລາ​ນັກ​ສຶກ​ສາ ປະ​ຈຳ​ປີ 2019-2020 ຈຶ່ງ​ໄດ້​ຈັດ​ຂື້ນ​ໃນ​ລະ​ຫວ່າງວັນ​ທີ 16 ຕຸລາ ຫາ 29 ພະ​ຈິກ 2019 ພາຍ​ໃຕ້​ການ​ຊີ້​ນຳ​ຂອງ​ຄະ​ນະ​ອຳ​ນວຍ​ການ​ໂຮງ​ຮຽນ, ໃນ​ການ​ຈັດ​ການ​ແຂ່ງ​ຂັນ​ກິ​ລາ​ໃນ​ຄັ້ງ​ນີ້​ແມ່ນ​ໄດ້​ຮັບ​ການ​ຕອບ​ສະ​ໜອງ​ທາງ​ດ້ານ​ງົບ​ປະ​ມານ​ຈາກ​ໂຮງຮຽນ ເພື່ອ​ຈັດ​ການ​ແຂ່ງ​ຂັນ​ໃນ​ຄັ້ງ​ນີ້. ເຊີ່ງວ່າການແຂ່ງຂັນ​ກິ​ລາ​ນັກ​ສຶກ​ສາໃນຄັ້ງນີ້ມີ 4 ປະເພດຄື: ບານເຕະຍິງ-ຊາຍ, ບານສົ່ງຍິງ-ຊາຍ, ກະຕໍ້ຍິງ-ຊາຍ ແລະ ເປຕັງຍິງ-ຊາຍ. ການແຂ່ງຂັນກິລາໄດ້ດໍາເນີນໄປດ້ວຍຄວາມສາມັກຄີ, ເບີກບານມ່ວນຊື່ນ, ດ້ວຍມິດໄມຕີຈິດທີ່ດີລະຫວ່າງນັກກິລາດ້ວຍກັນ. ເຊີ່ງການແຂ່ງຂັນສາມາດສະຫຼຸບຜົນໄດ້ດັ່ງນີ້: ປະເພດກິລາເປຕັງຍິງ ອັນດັບ 1ສາຍຄູຟີຊິກສາດ, ອັນດັບ 2 ສາ​ຂາ​ຄູປະຖົມ, ອັນດັບ 3 ສາ​ຂາ​ຄູໄອ​ຊີ​ທີ . ປະເພດກິລາເປຕັງຊາຍ ອັນດັບ 1 ສາ​ຂາ​ຄູພູມສາດ (ຕໍ່ເນື່ອງ), ອັນດັບ 2 ສາ​ຂາ​ຄູຊີວະ, ອັນດັບ 3 ສາສາ​ຂາ​ຄູ​ອັງກິດ. ປະເພດກິລາກະຕໍ້ຍິງ ອັນດັບ 1 ສາ​ຂາ​ຄູປະ​ຖົມ, ອັນດັບ 2 ສາ​ຂາ​ຄູ​ຝຣັ່ງ+ ໄອຊີທີ, ອັນດັບ 3 ສາ​ຂາ​ຄູອານຸບານ. ປະເພດກິລາກະຕໍ້ຊາຍ ອັນດັບ 1 ສາ​ຂາ​ຄູໄອ​ຊີ​ທີ, ອັນດັບ 2 ສາ​ຂາ​ຄູ​ຊີ​ວະ​ສາດ, ອັນດັບ 3 ສາ​ຂາ​ຄູ​ປະ​ຖົມ, ປະເພດກິລາບານສົ່ງຍິງ ອັນດັບ 1 ສາ​ຂາ​ຄູອາ​ນຸ​ບານ, ອັນດັບ 2 ສາ​ຂາ​ຄູຟີຊິກສາດ, ອັນດັບ 3 ສາ​ຂາ​ຄູ​ ໄອ​ຊີ​ທີ . ປະເພດກິລາບານສົ່ງຊາຍ ອັນດັບ 1 ສາ​ຂາ​ຄູອັງກິດ, ອັນດັບ 2 ສາ​ຂາ​ຄູໄອ​ຊີ​ທີ, ອັນດັບ 3 ສາ​ຂາ​ຄູ​ຟີຊິກສາດ. ປະເພດກິລາບານເຕະຍິງ ອັນດັບ 1 ສາ​ຂາ​ຄູຟີຊິກສາດ, ອັນດັບ 2 ສາ​ຂາ​ຄູ ປະຖົມ , ອັນດັບ 3 ໄອ​ຊີ​ທີ . ປະເພດກິລາບານເຕະຊາຍ ອັນດັບ 1 ສາ​ຂາ​ຄູອັງກິດ, ອັນດັບ 2 ສາ​ຂາ​ຄູຟີ​ຊິ​ກ​ສາດ, ອັນດັບ 3 ສາ​ຂາ​ຄູ ໄອ​ຊີ​ທີ . ຈາກນັ້ນກໍ່ໄດ້ມີການມອບລາງວັນໃຫ້ນັກກິລາແຕ່​ລະ​ປະ​ເພດ​ກິ​ລາ ໂດຍການພັດປ່ຽນກັນຂື້ນມອບຂອງທ່ານ ​ທອງຫຼໍ່ ຄຸນ​ສະ​ຫວັດ ຮອງ​ຜູ້​ອຳ​ນວຍ​ການ​ວິ​ທະ​ຍາ​ໄລ​ຄູຫຼວງພະບາງ,ທ່ານ ​ຫຸມ​ພັນ ຄອນ​ສະ​ຫວັດ ຮອງ​ຜູ້​ອຳ​ນວຍ​ການ​ວິ​ທະ​ຍາ​ໄລ​ຄູຫຼວງພະບາງ ແລະ ທ່ານ ແສງ​ທອງ ຟອງວິ​ໄລ ຮັກສາການ​ຫົວ​ໜ້າ​ຫ້ອງ​ການ​ກິດ​ຈະ​ການ​ນັກ​ສຶກ​ສາ. ທ້າຍ​ພິ​ທີ ທ່ານ ທອງຫຼໍ່ ຄຸນ​ສະ​ຫວັດ ປະ​ທານ​ຈັດ​ງານ​ການ​ແຂ່ງ​ຂັນ​ກິ​ລາ​ໄດ້​ມີ​ຄຳ​ຄິດ​ຄຳ​ເຫັນ​ຕໍ່​ພິ​ທີ​ປິດ​ງານ​ແຂ່ງ​ຂັນ​ກິ​ລາ​ຄັ້ງ​ນີ້​ກໍ​ຄື: ເຊິ່ງກ່ອນອື່ນທ່ານກໍໄດ້ຍ້ອງຍໍຕໍ່ຜົນງານ ແລະ ໄຊຊະນະຕ່າງໆທີ່ທາງ​ນັກ​ກິ​ລາ​ຂອງ​ແຕ່​ລະ​ສາ​ຂາ​ຄູຍາດມາໄດ້ ກໍ່ຄືຄວາມສໍາຄັນຂອງການ​ແຂ່ງ​ຂັນໃນຄັ້ງນີ້,ເຊິ່ງທ່ານໄດ້ເນັ້ນໜັກບາງບັນຫາເປັນຕົ້ນແມ່ນການແຂ່ງຂັນຕ້ອງຮັບປະກັນທາງດ້ານລະບຽບວິໄນ,ແຂ່ງຂັນດ້ວຍໄມຕີຈິດມິດຕະພາບ, ສ້າງຄວາມຮັກແພງສາມັກຄີກັນເສີມສ້າງສາຍສຳພັນທີ່ດີເພື່ອເຝຶກໃຫ້ນັກຮຽນມີນ້ຳໃຈນັກກິລາ, ປະກອບສ່ວນຢ່າງຕັ້ງໜ້າເຂົ້າໃນຂະບວນການແຂ່ງຂັນກິລາວິຊີບ ທີ່ວິທະຍາໄລການເງີນ ພາກເໜືອ ເປັນເຈົ້າພາບ ໃນເດືອນ ທັນວານີ້, ເພື່ອສຸຂະພາບ ແລະ ຫ່າງໄກຈາກຢາເສບຕິດ ພ້ອມ​ທັງ​ກ່າວ​ປິດ​ພິ​ທີ​ຢ່າງ​ເປັນ​ທາງ​ການ.ພ້ອມນີ້ຍັງມີກິລາພື້ນບ້ານສຳລັບຄູ-ອາຈານ ຟ ປະເພດຄື: ຈັບອ່ຽນ ແລະ ສົ່ງໝາກປູມໂພງກັບຫຼັງ.

ຂ່າວ​ສານ​ໂດຍ: ຜູ້​ຊ່ວຍ​ອາ​ຈານ ປ.ຕີ ປະ​ນົມ​ພອນ ຄອນ​ສະ​ຫວັດ

ຖ່າຍ​ພາບ​ໂດຍ: ປ.ຕີ ບົວ​ວັນ ພັນ​ທະນິ​ດ

ໜ່ວຍ​ງານ​ຂໍ້​ມູນ​ຂ່າວ​ສານ