ພິທີມອບ-ຮັບ ເຄື່ອງຊ່ວຍເຫຼືອຈາກກຸ່ມອານຸລັກລົດເກົ່າ, ກຸ່ມ Green tea 2T ແລະ ກຸ່ມ F4 ໃຫ້ແກ່ນັກສຶກສາ ວິທະຍາໄລຄູຫຼວງພະບາງ

ໃນຕອນເຊົ້າຂອງວັນທີ 05 ພຶດສະພາ 2021 ທີ່ວິທະຍາໄລຄູຫຼວງພະບາງ ໄດ້ມີພິທີມອບ-ຮັບເຄື່ອງຊ່ວຍເຫຼືອ ຈາກກຸ່ມອານຸລັກລົດເກົ່າ, ກຸ່ມ Green tea 2T ແລະ ກຸ່ມ F4 ໃຫ້ແກ່ນັກສຶກສາວິທະຍາໄລຄູຫຼວງພະບາງ ລວມມູນຄ່າທັງໝົດ 3,299.000 ກີບ. ໃນພິທີຕາງໜ້າກ່າວຮັບໂດຍ ທ່ານ ປທ ຫຸມພັນ ຄອນສະຫວັດ ຜູ້ອຳນວຍການວິທະຍາໄລຄູຫຼວງພະບາງ, ເຊິ່ງມີບັນດາຜູ້ຕາງໜ້າ ທັງສອງຝ່າຍ ແລະ ບັນດາຫົວໜ້າຫ້ອງການ, ຄູ-ອາຈານ, ພະນັກງານ, ເຂົ້າຮ່ວມຢ່າງພ້ອມພຽງ. ໂອກາດດັ່ງກ່າວ ທ່ານ ປທ ຫຸມພັນ ຄອນສະຫວັດ ຜູ້ອຳນວຍການວິທະຍາໄລຄູຫຼວງພະບາງ ກໍໄດ້ຕາງໜ້າໃຫ້ແກ່ນັກສຶກສາ ຂໍສະແດງຄວາມຂອບໃຈເປັນຢ່າງສູງມາຍັງກຸ່ມອານຸລັກລົດເກົ່າ, ກຸ່ມ Green tea 2T ແລະ ກຸ່ມ F4 ທີ່ມີຄວາມເປັນຫ່ວງເປັນໄຍຊີວິດການເປັນຢູ່ ແລະ ໃຫ້ການຊ່ວຍເຫຼືອນັກສຶກສາວິທະຍາໄລຄູຂອງພວກເຮົາ. ສິ່ງເຫຼົ່ານີ້ ເປັນການສະແດງເຖິງນໍ້າໃຈເອື້ອເຟື້ອເພື່ອແຜ່, ສະແດງເຖິງມິດຕະພາບ, ຄວາມຮັກແພງ, ຄວາມສາມັກຄີ ຂໍສະແດງຄວາມຂອບໃຈ ມາຍັງທ່ານ ຂໍໃຫ້ປະສົບຜົນສຳເລັດ ໃນໜ້າທີ່ການງານ , ທາງຄອບຄົວ ແລະ ການຄ້າຂາຍ ທຸກສິ່ງທຸກປະການ.