ພິທີຮັບສະມາຊິກເຍົາວະຊົນ-ອານຸຊົນທັນວາ

ໃນ​ຕອນ​ແລງ​ຂອງວັນ​ທີ່ 26 ທັນ​ວາ 2018 ຄະນະບໍລິຫານງານໜ່ວຍຊາວໜຸ່ມປະຊາຊົນປະຕິວັດລາວ ວິທະຍາໄລຄູຫຼວງພະບາງ ໄດ້ຈັດພິທີຮັບສະມາຊິກເຍົາວະຊົນ-ອານຸຊົນທັນວາ ຂຶ້ນທີ່ຫ້ອງປະຊຸມຕຶກ 3 ຊັ້ນຂອງ ວິ​ທະ​ຍາ​ໄລ​ຄູຫຼວງ​ພະ​ບາງ. ໂດຍພາຍໃຕ້ການເປັນປະທານຂອງ ທ່ານ ນາງ ແສງມະນີ ເພັດສະວົງ ຮອງເລຂາຄະນະບໍລິຫານງານຊາວໜຸ່ມປະຊາຊົນ ປະຕິວັດລາວ ແຂວງຫຼວງພະບາງ, ທ່ານ ທອງຫຼໍ່ ຄຸນ​ສະ​ຫວັດ ຮອງ​ຜູ້​ອຳ​ນວຍ​ການ​ວິ​ທະ​ຍາ​ໄລ​ຄູຫຼວງ​ພະ​ບາງ, ທ່ານ ເມກ ແກ້ວ​ມະ​ນີ​ຄະ ຄະນະບໍລິຫານງານຊາວໜຸ່ມແຂວງ ເລຂາໜ່ວຍຊາວໜຸ່ມວິທະຍາໄລຄູຫຼວງພະບາງ. ເຊິ່ງມີແຂກຖືກເຊີນ ແລະ ນ້ອງນ້ອຍອານຸຊົນ-ເຍົາວະຊົນເຂົ້າຮ່ວມຢ່າງຄັບຄາໜາແໜ້ນ.ໃນນັ້ນ ມີມະຫາຊົນ ແລະ ອານຸຊົນຖືກເລື່ອນເຂົ້າເປັນສະມາຊິກໃໝ່ຈໍານວນ 40 ນ້ອງ, ຍິງ 20 ນ້ອງ; ມະຫາຊົນກ້າວໜ້າເຂົ້າເປັນສະມາຊິກ ອານຸຊົນ ຈໍານວນ 17 ນ້ອງ, ຍິງ 9 ນ້ອງ ທີ່​ມາ​ຈາກ​ໂຮງ​ຮຽນ​ປະ​ຖົມ​ສົມ​ບູນ​ສາ​ທິດ.

ຂ່າວ​ສານ​ໂດຍ: ຜູ້​ຊ່ວຍ​ອາ​ຈານ ປະ​ນົມ​ພອນ ຄອນ​ສະ​ຫວັດ

ຖ່າຍ​ພາບ​ໂດຍ: ປ.ຕີ ບົວ​ວັນ ພັນ​ທະ​ນິດ

ໜ່ວຍ​ງານ​ຂໍ້​ມູນ​ຂ່າວ​ສານ