ພິທີເປີດການຮຽນ-ການສອນ ວິຊາປ້ອງການຊາດ-ປ້ອງກັນຄວາມສະຫງົບໃຫ້ນັກສຶກສາທີ່ວິທະຍາໄລຄູຫຼວງພະບາງ ສົກຮຽນ 2018-2019

ໃນ​ຕອນ​ເຊົ້າ​ຂອງວັນ​ທີ 17 / 06 / 2019 ທີ່​ສະ​ໂມ​ສອນ​ຂອງວິ​ທະ​ຍາ​ໄລ​ຄູຫຼວງ​ພະ​ບາງ ໄດ້​ເປີດ​ກາ​ນຽນ-ການ​ສອນ ​ວິ​ຊາປ້ອງ​ກັນ​ຊາດ​-ປ້ອງ​ກັນ​ຄວາມ​ສະ​ຫງົບໃຫ້​ນັກ​ສຶກ​ສາ​ທີ່​ວິ​ທະ​ຍາ​ໄລ​ຄູຫຼວງ​ພະ​ບາງ​ທັງ 4 ຂະ​ແໜງວິ​ຊາ​ສະ​ເພາະຂື້ນ​ຢ່າງ​ເປັນ​ທາງ​ການ. ໂດຍ​ການ​ເປັນ​ປະ​ທານ​ຮ່ວມ​ຂອງທ່ານ ພັ.​ທ ພອນ​ສີ ໄຊ​ຍະ​ເພັງ ຫົວ​ໜ້າ​​ພະ​ແນກການ​ທະ​ຫານ​ທ້ອງ​ຖິ່ນ ຫ້ອງ​ເສ​ນາ​ທິ​ການ​ທະ​ຫານ​ແຂວງ​ຫຼວງ​ພະ​ບາງ, ທ່ານ ບຸນ​ສຸ​ວັນ ລັດ​ຕະ​ນາ ຜູ້ອຳ​ນວຍ​ວິ​ທະ​ຍາ​ໄລ​ຄູຫຼວງ​ພະ​ບາງ, ທ່ານ ພັນ.​ຕີ ​ສຳ​ພັນ ສິນ​ທະ​ວົງ ​ຮອງ​ພະ​ແນກ​ສະ​ກັດ​ກັ້ນ ແລະ ຕ້ານ​ອັກ​ຄີ​ໄພ​ແຂວງຫຼວງ​ພະ​ບາງ, ມີ​ຄູ-ອາ​ຈານ ແລະ ນັກ​ສຶກ​ສາ​ເຂົ້າ​ຮ່ວມ​ຢ່າງ​ຄຶກ​ຄື້ນ. ຈຸດ​ປະ​ສົງ​ຂອງ​ການ​ຮຽນ-ການ​ສອນ​ໃນ​ຄັ້ງ​ນີ້ ເພື່ອ​ໃຫ້​ນັກ​ຮຽນ​ມີ​ສະ​ຕິ​ລະ​ວັງ​ຕົວ​ຕໍ່​ກົນ​ອຸ​ບາຍ, ຍຸດ​ທະ​ສາດ​ຕ້ານ​ການ​ຫັນ​ປ່ຽນ​ໂດຍ​ສັນ​ຕິ​ຂອງ​ສັດ​ຕູ​ກຽ​ມ​ພ້ອມ​ຮັບ​ໃຊ້​ຊາດ​ເມື່ອ​ຊາດ​ຮຽກ​ຮ້ອງ​ຕ້ອງ​ການ, ເພື່ອ​ປູກ​ຝັງ​ແນວ​ຄິດ​ໃຫ້​ຮັກ​ຮຽນ​ມີ​ນ້ຳ​ໃຈ​ຮັກ​ຊາດ, ຮັກ​ບ້ານ​ເກີດ​ເມືອງນອນ, ມີ​ສະ​ຕິ​ຕໍ່​ການ​ຈັດ​ຕັ້ງ, ມີ​ລະ​ບຽບ​ວິ​ໄນ ແລະ ມີ​ສະ​ຕິ​ຕໍ່​ການ​ສັນ​ຈອນ ໃນ​ຈຳ​ນວນ​ນັກ​ສຶກ​ສາ​ທີ່​ເຂົ້າ​ຮ່ວມ​ທັງ​ໝົດ​ແມ່ນ 210 ຄົນ. ເພື່ອ​ໃຫ້​ນັກ​ຮຽນ​ມີ​ຄວາມ​ຮູ້​ພື້ນ​ຖານ​ກ່ຽວ​ກັບ​ວຽກ​ງານ​ປກ​ຊ-ປກ​ສນັ້ນ​ເອງ, ເຊີ່ງ​ໄລ​ຍະ​ການ​ຮຽນ-ການ​ສອນ​ແມ່ນ​ຈະ​ໄດ້​ດຳ​ເນີນ​ຕັ້ງ​ແຕ່​ວັນ​ທີ່ 17 /6 – 07 / 7/ 2019 ​ເປັນ​ເວ​ລາ 21 ວັນຈຶ່ງ​ຈະ​ສຳ​ເລັດ​ການ​ຮຽນ-ການ​ສອນ​ໃນ​ຄັ້ງ​ນີ້.

ຂ່າວ​ສານ​ໂດຍ: ທ່ານ ຊອ ປະ​ນົມ​ພອນ ຄອນ​ສ​ະ​ຫວັດ

ໜ່ວຍ​ງານ​ຂໍ້​ມູນ​ຂ່າວ​ສານ