ພິທີ ມອບ-ຮັບເຄື່ອງຊ່ວຍເຫຼືອຈາກທາງຮ້ານນາງ ແສງອາລຸນ ຂາຍເຄື່ອງສົ່ງ ແລະ ຂາຍຍ່ອຍ ບ້ານພະບາດໃຕ້ ຕາງຫນ້າໃຫ້ແກ່ກຸ່ມສາມັກຄີ ມອບເຄື່ອງອຸປະໂພກໃຫ້ແກ່ ວິທະຍາໄລຄູຫຼວງພະບາງ

ໃນຕອນເຊົ້າຂອງ ວັນທີ 07 ພຶດສະພາ 2021 ທາງຮ້ານນາງ ແສງອາລຸນ ຂາຍເຄື່ອງສົ່ງ ແລະ ຂາຍຍ່ອຍ ບ້ານພະບາດໃຕ້ ຕາງຫນ້າໃຫ້ແກ່ກຸ່ມສາມັກຄີ ມອບເຄື່ອງອຸປະໂພກໃຫ້ແກ່ ວິທະຍາໄລຄູຫຼວງພະບາງ ເຄື່ອງປະກອບມີ 1 ເຂົ້າສານ 30 ກິໂລ. 2 ປ່ອງປາ 5 ແພັກ. 3 ໝີ່ໄວໆ 2 ແກັດໃຫຍ່. 4 ນ້ຳມັນພືດ 1 ແກັດ. ລວມມູນຄ່າ 1.668.000 ກີບ.
ໃນພິທີຕາງໜ້າກ່າວຮັບໂດຍ ທ່ານ ປທ ຫຸມພັນ ຄອນສະຫວັດ ຜູ້ອຳນວຍການວິທະຍາໄລຄູຫຼວງພະບາງ, ເຊິ່ງມີບັນດາຜູ້ຕາງໜ້າ ທັງສອງຝ່າຍ ແລະ ບັນດາຫົວໜ້າຫ້ອງການ, ຄູ-ອາຈານ, ພະນັກງານ, ເຂົ້າຮ່ວມ. ໂອກາດດັ່ງກ່າວ ທ່ານ ປທ ຫຸມພັນ ຄອນສະຫວັດ ຜູ້ອຳນວຍການວິທະຍາໄລຄູຫຼວງພະບາງ ກໍໄດ້ຕາງໜ້າໃຫ້ແກ່ຄູ-ອາຈານ ແລະ ນັກສຶກສາ ຂໍສະແດງຄວາມຂອບໃຈເປັນຢ່າງສູງມາຍັງຮ້ານນາງ ແສງອາລຸນ ຂາຍເຄື່ອງສົ່ງ ແລະ ຂາຍຍ່ອຍ ບ້ານພະບາດໃຕ້ ໃນນາມ ຕາງຫນ້າໃຫ້ແກ່ກຸ່ມສາມັກຄີ ທີ່ມີຄວາມເປັນຫ່ວງເປັນໄຍຊີວິດການເປັນຢູ່ ແລະ ໃຫ້ການຊ່ວຍເຫຼືອວິທະຍາໄລຄູຂອງພວກເຮົາ. ສິ່ງເຫຼົ່ານີ້ ເປັນການສະແດງເຖິງນໍ້າໃຈເອື້ອເຟື້ອເພື່ອແຜ່, ສະແດງເຖິງມິດຕະພາບ, ຄວາມຮັກແພງ, ຄວາມສາມັກຄີ. ຂໍສະແດງຄວາມຂອບໃຈ ມາຍັງທ່ານ ຂໍໃຫ້ປະສົບຜົນສຳເລັດ ໃນໜ້າທີ່ການງານ , ການເງິນ, ທາງດ້ານຄອບຄົວ, ຄ້າຂາຍລໍ້າລວຍ ທຸກໆທ່ານ.
ຂ່າວສານໂດຍ: ປຕ ສຸລິຈັນ ສຸກສະຫວັດ
ພາບໂດຍ: ປຕ ປະນົມພອນ ຄອນສະຫວັດ