ວິທະຍາໄລຄູຫຼວງພະບາງ ຈັດຕັ້ງເຄົາລົບທຸງໃຫຍ່ຂອງສະຖາບັນປະຈຳພາກຮຽນທີ່ I ສົກຮຽນ 2018-2019

ໃນ​ວັນ​ທີ່ 04 ກຸມ​ພາ 2019 ທີ່​ຫ​ນ້າ​ຫ້ອງ​ການ​ໃຫ​ຍ່​ຂອງວິ​ທະ​ຍາ​ໄລ​ຄູຫຼວງ​ພ​ະບາງ ໄດ້​ຈັດ​ຕັ້ງ​ການ​ເຄົາ​ລົບ​ທຸງ​ໃຫ​ຍ່​ຂອງ​ສະ​ຖາ​ບັນ​ຂື້ນ ໂດຍມີ​ຄູ-ອາ​ຈານ ແລະ ນັກ​ສຶກ​ສາ​ທົ່ວ​ວິ​ທະ​ຍາ​ໄລ​ຄູຫຼວງ​ພະ​ບາງ​ເຂົ້າ​ຮ່ວມ​ເຄົາ​ລົບ​ທຸງ​ໃຫ​ຍ່ ເພື່ອ​ເປັນ​ຜ່ານການ​ບົດສະຫຼຸບການ​ຈັດ​ການ​ຮຽນ-ການ​ສອນ​ທີ່​ຜ່ານ​ມາ​ໃນ​ພາກ​ຮຽນ​ທີ່ I ແລະ ແຜນ​ທິດ​ທາງ​ການ​ຈັດ​ຕັ້ງ​ປະ​ຕິ​ບັດ​ການ​ຈັດ​ການ​ຮຽນ-ການ​ສອນ​ໃນ​ພາກ​ຮຽນ​ທີ່ II ສົກ​ຮຽນ 2018-2019 ເພື່ອ​ໃຫ້​ຄູ-ອາ​ຈານ ແລະ ນັກ​ສຶກ​ສາ​ທຸກ​ຂະ​ແຫນງວິ​ຊາ​ສະ​ເພາະ​ໄດ້​ຮັບ​ຮູ້ ແລະ ເຂົ້າ​ໃຈ​ເຖີ່ງ​ການ​ຈັດ​ຕັ້ງ​ປະ​ຕິ​ບັດ​ຕາມຫຼັກ​ສູດ​ຂອງ​ກະ​ຊວງ​ສຶກ​ສາ​ທິ​ການ​ໄດ້​ວາງ​ອອກ ໂດຍ​ແມ່ນ​ປະ​ທານ​ນັກ​ສຶກ​ສາ​ເປັນ​ຜູ້​ຂື້ນ​ຜ່ານ, ​ຈາກນັ້ນ ທ່ານ ​ຫຸມ​ພັນ ຄອນ​ສະ​ຫວັດ ​ຮອງຜູ້​ອຳ​ນວຍ​ການ​ວິ​ທະ​ຍາ​ໄລ​ຄູຫຼວງ​ພະ​ບາງ ກໍ​ໃຫ້​ກຽດ​ຂື້ນ​ມີ​ຄຳ​ຄິດ​ຄຳ​ເຫັນ ແລະ ໂອ້​ລົມ​ຕໍ່​ນັກ​ສຶກ​ສາ ເຊີ່ງ​ທາງ​ໄດ້​ຍົກ​ໃຫ້​ເຫັນ​ເຖີ່ງ​​ການ​ຈັດ​ຕັ້ງ​ການ​ຮຽນ-ການ​ສອນຂອງ​ຄູ-ອາ​ຈານ ແລະ ສຶກ​ສາ​ , ​ຜົນ​ສຳ​ເລັດ​ຂອງ​ການ​​​ສອບ​ເສັ່ງ​ພາກ​ຮຽນ​ທີ່ I , ​ການ​ນຳ​ສົ່ງ​ນັກ​ສຶກ​ສາ​ປີ​ສຸດ​ທ້າຍ​ລົງ​ເຝີກ​ຫັດ​ວິ​ຊາ​ຊີບ​ທີ່​ແຂວງ​ອຸ​ດົມ​ໄຊ, ​​ການ​ເອົາ​ໃຈ​ໃສ​ຕໍ່​ການ​ຄົ້ນ​ຄວ້າ​ຮ່ຳ​ຮຽນ ແລະ ຍົກ​ສູງ​ຕໍ່​ວິ​ຊາ​ສິ​ເພາະ​ໃຫ້​ມີ​ຄວາມ​ເຂັ້ມ​ແຂງ​ທາງ​ດ້າຍ​ວິ​ຊາ​ການ, ​​ຄວາມ​ສຳ​ຄັນ​ວິ​ຊາ​ພາ​ສາ​ອັງ​ກິດ ແລະ ໄອ​ຊີ​ທີ ,​ ​ພ້ອມ​ທັງ​ຮຽກ​ຮ້ອງ​ເຖີ່ງ​ຄູ-ອາ​ຈານ​ ແລະ ນັກ​ສຶກ​ສາ ຈົ່ງ​ພ້ອມ​ພຽງ​ຮຽງ​ຫ​ນ້າ​ກັນ​ສຸມ​ໃສ​ຕໍ່ການ​ສິດ​ສອນໃຫ້​ມີ​ປະ​ສິດ​ທິ​ພາບ ເອົາ​ໃຈ​ໃສ່​ຕໍ່​ການ​ຄົ້ນ​ຄ້​ວາ​ເນື້ອ​ໃນ​ເອ​ກະ​ສານ​ໃນ​ຮູບ​ແບບ​ໃໝ່ ພ້ອມ​ກັນສ້າງວິ​ທະ​ຍາ​ໄລ​ຄູ​ຫຼວງ​ພະ​ບາງໃຫ້​ກ້າວ​ໄປ​ສູ່​ສະ​ຖາ​ບັນ​ແຫ່ງ​ຄວາມ​ເປັນ​ເລີດ​ຕະຫຼອດ​ໄປ.

ຂ່າວ​ສານ​ໂດຍ: ຜູ້​ຊ່ວຍ​ອາ​ຈານ ປະ​ນົມ​ພອນ ຄອນ​ສະ​ຫວັດ

ໜ່ວຍ​ງານ​ຂໍ້​ມູນ​ຂ່າວ​ສານ