ອົງການກາແດງຫຼວງພະບາງລົງຊີດຢາຂ້າເຊື້ອໃຫ້ວິທະຍາໄລຄູຫຼວງພະບາງ

ໃນຕອນເຊົ້າຂອງວັນທີ 15 ພຶດສະພາ 2020 ອົງການກາແດງລາວ ປະຈຳແຂວງຫຼວງພະບາງ ໄດ້ມີຄວາມເປັນຫ່ວງເປັນໄຍ ລົງມາຊີດຢາຂ້າເຊື້ອ ໃຫ້ກັບ ວິທະຍາໄລຄູຫຼວງພະບາງ ເພື່ອຕ້ານ ແລະ ສະກັດກັ້ນການແຜ່ລະບາດຂອງເຊື້ອພະຍາດສາຍພັນໃໝ່.

ເພື່ອກະກຽມຄວາມພ້ອມໃນການເປີດຮຽນຄືນໃໝ່ໃຫ້ແກ່ນັກສຶກສາທີ່ຈະເລີ່ມເຂົ້າມາສຶກສາໃນອີກບໍ່ດົນນີ້. ໃນພິທີດັ່ງກ່າວກໍໄດ້ມີບັນດາຄະນະຜູ້ຕາງໜ້າມາຈາກ ອົງການກະແດງແຂວງຫຼວງພະບາງ ແລະ ຄະນະນຳ, ຄູ-ອາຈານ ພະນັກງານພາຍໃນວິທະຍາໄລຄູເຂົ້າຮ່ວມ ຢ່າງພ້ອມພຽງ. ໃນໂອກາດນີ້ ທ່ານຄະນະອຳນວຍການວິທະຍາໄລຄູຫຼວງພະບາງ ກໍຂໍສະແດງຄວາມຂອບອົກຂອບໃຈ ມາຍັງການນໍາພັກ-ລັດ ທີ່ໄດ້ເປັນຫ່ວງເປັນໄຍ ໂດຍສະເພາະກໍແມ່ນທາງອົງການກາແດງລາວ ປະຈຳແຂວງຫຼວງພະບາງ ທີ່ໄດ້ມາຊີດຢາຂ້າເຊື້ອໃຫ້ບັນດາອາຄານຫ້ອງການ, ຫໍພັກ, ຫ້ອງຮຽນ, ຫໍສະມຸດ ພາຍໃນວິທະຍາໄລຄູ.

ສຸດທ້າຍຂໍອວຍພອນໄຊແດ່ບັນດາຄະນະນຳ ກໍຄືສະມາຊິກກາແດງທຸກຖ້ວນໜ້າຈົ່ງປະສົບຜົນສໍາເລັດທຸກໆທ່ານ ຂໍຂອບໃຈ.

ຂ່າວສານໂດຍ: ປຕີ ສຸລິຈັນ ສຸກສະຫວັດ

ພາບໂດຍ: ປທ ວິລະກິດ ພົມສີ