ວິທະຍາໄລຄູຫຼວງພະບາງຈັດຕັ້ງ ເຄົາລົບທຸງໃຫຍ່ ຂອງສະຖາບັນປະຈຳເດືອນ 12 (ທັນວາ) 2018

ໃນ​ວັນ​ທີ່ 31 ທັນ​ວາ 2018 ທີ່​ຫ​ນ້າ​ຫ້ອງ​ການ​ໃຫ​ຍ່​ຂອງວິ​ທະ​ຍາ​ໄລ​ຄູຫຼວງ​ພ​ະບາງ ໄດ້​ຈັດ​ຕັ້ງ​ການ​ເຄົາ​ລົບ​ທຸງ​ໃຫ​ຍ່​ຂອງ​ສະ​ຖາ​ບັນ​ຂື້ນ ໂດຍມີ​ຄູ-ອາ​ຈານ ແລະ ນັກ​ສຶກ​ສາ​ທົ່ວ​ວິ​ທະ​ຍາ​ໄລ​ຄູຫຼວງ​ພະ​ບາງ​ເຂົ້າ​ຮ່ວມ​ເຄົາ​ລົບ​ທຸງ​ໃຫ​ຍ່ ເພື່ອ​ເປັນ​ຜ່ານການ​ບົດສະຫຼຸບການ​ຈັດ​ການ​ຮຽນ-ການ​ສອນ​ທີ່​ຜ່ານ​ມາ​ໃນ​ເດືອນ ​ທັນ​ວາ (12) ແລະ ແຜນ​ທິດ​ທາງ​ການ​ຈັດ​ຕັ້ງ​ປະ​ຕິ​ບັດ​ການ​ຈັດ​ການ​ຮຽນ-ການ​ສອນ​ໃນ ມັງ​ກອນ (01) ເພື່ອ​ໃຫ້​ຄູ-ອາ​ຈານ ແລະ ນັກ​ສຶກ​ສາ​ທຸກ​ຂະ​ແຫນງວິ​ຊາ​ສະ​ເພາະ​ໄດ້​ຮັບ​ຮູ້ ແລະ ເຂົ້າ​ໃຈ​ເຖີ່ງ​ການ​ຈັດ​ຕັ້ງ​ປະ​ຕິ​ບັດ​ຕາມຫຼັກ​ສູດ​ຂອງ​ກະ​ຊວງ​ສຶກ​ສາ​ທິ​ການ​ໄດ້​ວາງ​ອອກ ໂດຍ​ແມ່ນ​ປະ​ທານ​ນັກ​ສຶກ​ສາ​ເປັນ​ຜູ້​ຂື້ນ​ຜ່ານ, ​ຈາກນັ້ນ ທ່ານ ​ບຸນ​ສຸ​ວັນ ລັດ​ຕະ​ນາ ຜູ້​ອຳ​ນວຍ​ການ​ວິ​ທະ​ຍາ​ໄລ​ຄູຫຼວງ​ພະ​ບາງ ກໍ​ໃຫ້​ກຽດ​ຂື້ນ​ມີ​ຄຳ​ຄິດ​ຄຳ​ເຫັນ ແລະ ໂອ້​ລົມ​ຕໍ່​ນັກ​ສຶກ​ສາ ເຊີ່ງ​ທາງ​ໄດ້​ຍົກ​ໃຫ້​ເຫັນ​ເຖີ່ງ​​ການ​ຈັດ​ຕັ້ງ​ການ​ຮຽນ-ການ​ສອນຂອງ​ຄູ-ອາ​ຈານ ແລະ ສຶກ​ສາ​ , ​ຜົນ​ສຳ​ເລັດ​ຂອງ​ການ​​ຈັດ​ງານ​ວິ​ທະ​ຍາ​ສາດ ແລະ ວັດ​ທະ​ນະ​ທຳ​ບັນ​ດາ​ເຜົ່າ, ​ການ​ປະ​ຕິ​ບັດ​ກົດລະ​ບຽບຂອງ​ນັກ​ສຶກ​ສາ ກໍ​ຄື​ກາ​ນຸ່ງ​ຖື, ​ການ​ອາ​ນາ​ໄມ​ສະ​ພາບ​ແວດ​ລ້ອມ​ພາຍ​ໃນ​ສະ​ຖາ​ບັນ​ໃຫ້​ມີ​ຄວາມ​ຈົບ​ງາມ, ອວຍ​ພອ​ນ​ປີ​ໃໝ່​ສາ​ກົນ​ໃຫ້​ຄະ​ນະ​ຄູ​ອາ​ຈານ ແລະ ນັກ​ສຶກ​ສາ ,​ການ​​ກຽມ​ພ້ອມ​ຕໍ່ການ​ສອບ​ເສັ່ງ​ທ້າຍ​ພາກ​ຂອງ​ສົກ​ຮຽນ 2018-2019 ທີ່​ຈະ​ມາ​ເຖີ່ງ​ນີ້ ​ພ້ອມ​ທັງ​ຮຽກ​ຮ້ອງ​ເຖີ່ງ​ຄູ-ອາ​ຈານ​ ແລະ ນັກ​ສຶກ​ສາ ຈົ່ງ​ພ້ອມ​ພຽງ​ຮຽງ​ຫ​ນ້າ​ກັນ​ສຸມ​ໃສ​ຕໍ່ການ​ສິດ​ສອນໃຫ້​ມີ​ປະ​ສິດ​ທິ​ພາບ ເອົາ​ໃຈ​ໃສ່​ຕໍ່​ການ​ຄົ້ນ​ຄ້​ວາ​ເນື້ອ​ໃນ​ເອ​ກະ​ສານ​ໃນ​ຮູບ​ແບບ​ໃໝ່ ພ້ອມ​ກັນສ້າງວິ​ທະ​ຍາ​ໄລ​ຄູ​ຫຼວງ​ພະ​ບາງໃຫ້​ກ້າວ​ໄປ​ສູ່​ສະ​ຖາ​ບັນ​ແຫ່ງ​ຄວາມ​ເປັນ​ເລີດ​ຕະຫຼອດ​ໄປ.

ຂ່າວ​ສານ​ໂດຍ: ຜູ້​ຊ່ວຍ​ອາ​ຈານ ປະ​ນົມ​ພອນ ຄອນ​ສະ​ຫວັດ

ໜ່ວຍ​ງານ​ຂໍ້​ມູນ​ຂ່າວ​ສານ