ພິທີມອບ-ຮັບໃບຢັ້ງຢືນໜ່ວຍພັກປອດໃສ ເຂັ້ມແຂງ ໜັກແໜ້ນຂອງຄະນະພັກຮາກຖານວິທະຍາໄລຄູຫຼວງພະບາງ ປະຈໍາປີ 2020.

ຕອນບ່າຍຂອງວັນທີ 02 ເມສາ 2021 ວິທະຍາໄລຄູຫຼວງພະບາງ ໄດ້ຈັດພິທີມອບ-ຮັບໃບຢັ້ງຢືນໜ່ວຍພັກປອດໃສ ເຂັ້ມແຂງ ໜັກແໜ້ນຂອງຄະນະພັກຮາກຖານວິທະຍາໄລຄູຫຼວງພະບາງ ປະຈໍາປີ 2020 ຂຶ້ນຢ່າງເປັນທາງການ ທີ່ສະໂມສອນຕຶກ 3 ຊັ້ນຂອງວິທະຍາໄລຄູຫຼວງພະບາງ. ໂດຍການເປັນປະທານຂອງ ສະຫາຍ ບຸນເລື່ອມ ມະນີວົງ ຄະນະປະຈໍາພັກແຂວງ ຮອງເຈົ້າແຂວງ ແຂວງຫຼວງພະບາງ, ສະຫາຍ ຫຸມພັນ ຄອນສະຫວັດ ເລຂາຄະນະພັກຮາກຖານ ຄະນະປະທານເຂົ້າຮ່ວມ ພ້ອມດ້ວຍແຂກຖືກເຊີນ, ພະແນກການ, ວິທະຍາໄລ, ມະຫາວິທະຍາໄລ, ຄະນະພັກຮາກຖານ, ເລຂາໜ່ວຍພັກ, ຄະນະໜ່ວຍພັກ ແລະ ສະມາຊິກພັກຄູ-ອາຈານວິທະຍາໄລຄູຫຼວງພະບາງເຂົ້າຮ່ວມທັງໝົດຈຳນວນ 116 ສະຫາຍ, ຍິງ 62 ສະຫາຍ.ໃນພິທີ … Continued

ພິທີດໍາເນີນການວິໄຈ ການນໍາໃຊ້ສື່ການສອນ ເຂົ້າໃນການຮຽນ-ການສອນໃນໂຮງຮຽນອະນຸບານ – ປະຖົມ ບ້ານແສ້ ເມືອງວຽງຄໍາ ແຂວງຫຼວງພະບາງ ຄັ້ງວັນທີ 29/03-2/04/2021

ໃນຕອນເຊົ້າຂອງວັນຈັນ ວັນທີ 29/3/2021 ທາງຫ້ອງການອະນຸບານ-ປະຖົມ ໄດ້ເປີດພິທີດໍາເນີນການວິໄຈ ການນໍາໃຊ້ສື່ການສອນ ເຂົ້າໃນການຮຽນ-ການສອນໃນໂຮງຮຽນອະນຸບານ – ປະຖົມ ບ້ານແສ້ ເມືອງວຽງຄໍາ ແຂວງຫຼວງພະບາງ ຄັ້ງວັນທີ 29/03-2/04/2021ເຊິ່ງພາຍໃຕ້ການເປັນປະທານຂອງທ່ານ ອາຈານ ປໂທ ຫຸມພັນ ຄອນສະຫວັດ ຜູ້ອໍານວຍການຂອງວິທະຍາໄລຄູຫຼວງພະບາງ ເປັນປະທານເປີດພິທີ ຢູ່ທີ່ຫໍປະຊຸມສຶກສາເມືອງວຽງຄໍາ ແຂວງຫຼວງພະບາງ ເຊິ່ງມີຄູ-ອາຈານສາຍຄູປະຖົມ-ອະນຸບານເຂົ້າຮ່ວມການເຮັດການວິໄຈ ຄັ້ງນີ້ຈໍານວນ 26 ທ່ານ, ຍິງ 22 ຄົນ ເຊິ່ງການດໍາເນີນການສຶກສາການສອນຄັ້ງນີ້ແມ່ນໄດ້ດໍາເນີນຢູ່ທີ່ ໂຮງຮຽນປະຖົມສົມສົມບູນບ້ານແສ້ ແລະ ອະນຸບານ ບ້ານແສ້ ເຊິ່ງການດໍາເນີນການສຶກສາການສອນນີ້ໄດ້ດໍາເນີນໄປເປັນເວລາ 4 ວັນ ໂດຍການນໍາໃຊ້ເຄື່ອງມືໃນການເກັບກໍາຂໍ້ມູນທີ່ແຕ່ລະຈຸ, ລະກຸ່ມ ໄດ້ກະກຽມມາ … Continued

ເຝິກອົບຮົມການຜະລິດສິ່ງປະດິດ ເຂົ້າໃນການຮຽນ-ການສອນ ໃຫ້ແກ່ນັກສຶກສາຄູຕໍ່ເນື່ອງ ສາຍຄູອະນຸບານ-ປະຖົມ

ໃນຕອນເຊົ້າຂອງວັນພະຫັດ ວັນທີ 18/3/2021 ທາງຫ້ອງການອະນຸບານ-ປະຖົມ ໄດ້ຈັດກອງປະຊຸມການເຝິກອົບຮົມການຜະລິດສິ່ງປະດິດ ເຂົ້າໃນການຮຽນ-ການສອນ ໃຫ້ແກ່ນັກສຶກສາຄູຕໍ່ເນື່ອງ ສາຍຄູອະນຸບານ-ປະຖົມ ພາຍໃນວິທະຍາໄລຄູຫຼວງພະບາງ ເຊິ່ງພາຍໃຕ້ການເປັນປະທານຂອງທ່ານ ປໂທ ທອງຫຼໍ່ ຄຸນສະຫວັດ ຄະນະອໍານວຍການຝ່າຍກິດຈະການນັກສຶກສາ ຂອງວິທະຍາໄລຄູຫຼວງພະບາງ ເປັນປະທານເປີດພິທີ ເຊິ່ງມີຄູ-ອາຈານທີ່ເປັນວິທະຍາກອນ, ຄະນະຮັບຜິດຊອບກອງປະຊຸມ ແລະ ນັກສຶກສາເຂົ້າຮ່ວມຈໍານວນ 96 ທ່ານ, ຍິງ 67 ທ່ານ ເຊິ່ງການເຝິກອົບຮົມໄດ້ເນັ້ນໜັກໄປທາງການຜະລິດສິ່ງປະດິດຕ່າງໆຈໍານວນ 8 ຫົວຂໍ້ ທີ່ສາມາດນໍາໃຊ້ເຂົ້າໃນການຈັດການຮຽນ-ການສອນ ໃນການປະຕິບັດນີ້ແມ່ນສໍາເລັດໃນໄປໄດ້ດ້ວຍດີໂດຍນໍາເດີນເປັນເວລາ 4 ວັນ (ແຕ່ວັນທີ 18-21/3/2021) ແລະ ປິດກອງປະຊຸມໃນ ວັນທີ່ 21/ 3/ 2021 … Continued

ພິທີປິດການເຝິກອົບການນໍາໃຊ້ວິທີສອນໃນຫຼັກສູດປະຖົມສະບັບປັບປຸງໃຫ້ແກ່ຄູສອນສາຍປະຖົມ

ໃນຕອນແລງຂອງວັນສຸກ ວັນທີ 12/3/2021 ທາງຫ້ອງການອະນຸບານ-ປະຖົມ ໄດ້ຈັດພິທີປິດກອງປະຊຸມການເຝິກອົບຮົມການນໍາໃຊ້ວິທີສອນໃນຫຼັກສູດສະບັບປັບປຸງໃໝ່ໃຫ້ແກ່ຄູສອນສາຍປະຖົມ ພາຍໃນວິທະຍາໄລຄູຫຼວງພະບາງ ເຊິ່ງພາຍໃຕ້ການເປັນປະທານຂອງທ່ານ ປອ ອານຸສິດ ມະໂນສານ ຄະນະອໍານວຍການຝ່າຍວິຊາການຂອງວິທະຍາໄລຄູຫຼວງພະບາງ ເປັນປະທານປິດພິທີ ໃນການປະຕິບັດນີ້ແມ່ນສໍາເລັດໃນພາກທິດສະດີ ແລະ ພາກການສັງເກດການສອນຕົວຈິງໃນພາກຮຽນທີ 2 ເຊິ່ງມີຄູ-ອາຈານທີ່ສອນສາຍປະຖົມເຂົ້າຮ່ວມຈໍານວນ 28 ທ່ານ, ຍິງ 14 ຄົນ ເຊິ່ງຜົນຂອງການເຝິກອົບຮົມໄດ້ສໍາເລັດລົງເວລາ 17:00 ນາທີ. ພາບ ໂດຍ: ປໂທ ຄໍາຜົງ ອິນທະວັນ ຂ່າວໂດຍ: ປຕີ ນາງ ບຸນຫຼາຍ ພັນທອງ  

ກອງປະຊຸມສ້າງແຜນກຳນົດພະນັກງານນຳພາ-ຄຸ້ມຄອງຂອງວິທະຍາໄລຄູຫຼວງພະບາງ ແຕ່ປີ 2021-2025

ກອງປະຊຸມສ້າງແຜນກຳນົດພະນັກງານນຳພາ-ຄຸ້ມຄອງຂອງວິທະຍາໄລຄູຫຼວງພະບາງ ແຕ່ປີ 2021-2025 ຄັ້ງວັນທີ 25-26 ມັງກອນ 2021 ທີ່ສະໂມສອນຕຶກ 3 ຊັ້ນຂອງວິທະຍາໄລຄູ. ໂດຍການເປັນປະທານຂອງທ່ານ ເກດ ພັນລັກ ຫົວໜ້າກົມສ້າງຄູ ກະຊວງສຶກສາທິການ ແລະ ກິລາ, ທ່ານ ອຸ່ນຄຳ ອວນສະຫວັນ ຮອງຫົວໜ້າກົມຈັດຕັ້ງພະນັກງານ ກະຊວງສຶກສາທິການ ແລະ ກິລາ, ທ່ານ ຫຸມແພງ ແກ້ວວິຈິດ ຮອງຫົວໜ້າຄະນະຈັດຕັ້ງແຂວງ, ທ່ານ ຫຸມພັນຄອນສະຫວັດ ຜູ້ອຳນວຍກາສວິທະຍາໄລຄູຫຼວງພະບາງ, ມີຄະນະອຳນວຍການ, ຫົວໜ້າກ້ອງການ, ຜູ້ອຳວວຍດານໂຮງຮຽນປະຖົມ ແລະ ມັດທະຍົມສາທິດ ພ້ ມດ້ວຍພະນັກງານ, ຄູ-ອາຈານ ເຂົ້າຮ່ວມ … Continued

ພິທີເຜີຍແຜ່ຜົນການປະກັນຄຸນນະພາບພາຍໃນ ໃຫ້ແກ່ຄູ-ອາຈານ, ນັກສຶກສາສາຍພາສາຕ່າງປະເທດ ແລະ ພູມສາດ (ຕໍ່ເນື່ອງ)

ໃນຕອນບ່າຍ ຂອງວັນທີ 30/3/2021 ຫ້ອງການວັດຜົນ-ປະເມີນຜົນ ວິທະຍາໄລຄູຫຼວງພະບາງ ໄດ້ຈັດພິທີເຜີຍແຜ່ຜົນການປະກັນຄຸນນະພາບພາຍໃນ ໃຫ້ແກ່ຄູ-ອາຈານ, ນັກສຶກສາສາຍພາສາຕ່າງປະເທດ ແລະ ພູມສາດ(ຕໍ່ເນື່ອງ) ທີ່ຫ້ອງປະຊຸມຕຶກ 3 ຊັ້ນ ວິທະຍາໄລຄູຫຼວງພະບາງ. ໃນພິທີຄັ້ງນີ້ ໂດຍການເປັນປະທານ ຂອງ ທ່ານ ປອ ອານຸສິດ ມະໂນສານ ຄະນະອຳນວຍການ ວິທະຍາໄລຄູຫຼວງພະບາງ, ມີບັນດາຫົວໜ້າ, ຮອງຫ້ອງການ, ຫົວໜ້າ, ຮອງໜ່ວຍງານ, ຄູ-ອາຈານ ແລະ ນັກສຶກສາເຂົ້າຮ່ວມຢ່າງພ້ອມພຽງ.

ກອງປະຊຸມການເຝິກອົບຮົມການເພາະລ້ຽງແພພືດໃຫ້ແກ່ນັກສຶກສາປີ 2 ແລະ ປີ 3 ສາຂາວິຊາຄູຊີວະສາດ ຄັ້ງວັນທີ 11-12 ແລະ 15-17 ກຸມພາ 2021

I. ສະພາບລວມ ກອງປະຊຸມເຝິກອົບຮົມການເພາະລ້ຽງແພພືດໃຫ້ແກ່ນັກສຶກສາສາຂາວິຊາຄູຊີວະສາດໄດ້ດໍາເນີນໂດຍໃຊ້ເວລາທັງໝົດ 5 ວັນ ໃຫ້ກຽດເຂົ້າຮ່ວມເປັນປະທານໂດຍທ່ານ ປອ ອານຸສິດ ມະໂນສານ ຮອງອໍານວຍການຝ່າຍວິຊາການວິທະຍາໄລຄູຫຼວງພະບາງ ແລະ ຕາງໜ້າຫ້ອງການສົ່ງເສີມວິຊາການ, ຫ້ອງການວິທະຍາສາດທໍາມະຊາດ ແລະ ຫ້ອງການບໍລິຫານການເງິນເປັນຄະນະ. ໃນການເຝິກອົບຮົມຄັ້ງນີ້ມີວິທະຍາກອນທັງໝົດ 4 ທ່ານ ເຊິ່ງເປັນຄູ-ອາຈານສອນໃນສາຍວິຊາຊີວະສາດທັງໝົດ ແລະ ນັກສຶກສາ ປີ 2 ແລະ ປີ 3 ເຂົ້າຮ່ວມເປັນສໍາມະນາກອນ ຈໍານວນ 39 ຄົນ. II. ກິດຈະກໍາການຈັດຕັ້ງ-ປະຕິບັດ ເຊິ່ງສາມາດສະຫຼຸບຜົນການນໍາໃຊ້ໂດຍຫຍໍ້ໄດ້ດັ່ງນີ້: ວັນທີ 1 (11 ກຸມພາ 2021) 13:30-14:00 ນາທີ … Continued

ກອງປະຊຸມຕິດຕາມການປະເມີນຜົນ ແລະ ເຜີຍແຜ່ຜົນສຳເລັດຂອງການເຝິກອົບຮົມ ຂອງໂຄງການຮ່ວມມືລະຫວ່າງວິທະຍາໄລຄູຫຼວງພະບາງ ແລະ ມະຫາວິທະຍາໄລແຫ່ງຊາດຊິນຈູ ຄັ້ງວັນທີ 27 ມັງກອນ 2021
CUE-LPTTC Online 3rd Workshop on 2020 GESP Evaluation and Spreading of Outcomes 2020 GESP January 27th, 2021

ໃນຕອນບ່າຍຂອງວັນທີ 27 ມັງກອນ 2021ທີ່ຫ້ອງປະຊຸມຕິກ 3 ຊັ້ນຂອງວິທະຍາໄລຄູຫຼວງພະຍາງໄດ້ມີພິທີສະຫລຸບ ກອງປະຊຸມຕິດຕາມການປະເມີນຜົນ ແລະ ເຜີຍແຜ່ຜົນສຳເລັດຂອງການເຝິກອົບຮົມ ຂອງໂຄງການຮ່ວມມືລະຫວ່າງວິທະຍາໄລຄູຫຼວງພະບາງ ແລະ ມະຫາວິທະຍາໄລແຫ່ງຊາດຊິນຈູ, ໂດຍການເປັນປະທານຂອງທ່ານ ເກດ ພັນລັກ ຫົວໜ້າກົມສ້າງຄູ ກະຊວງສຶກສາທິການ ແລະ ກິລາ, ທ່ານ ຫຸມພັນ ຄອນສະຫວັດ ຜູ້ອຳນວຍການວິທະຍາໄລຄູຫຼວງພະບາງ, ມີທ່ານ ຊາຍສະຫວັນ ຈັນມານິດ ຮອງຫົວໜ້າພະແນກສຶກສາທິການແລະກິລາ ແຂວງຫຼວງພະບາງ , ທ່ານ Park Tae Young ຜູ້ປະສານງານທ້ອງຖິ່ນຂອງໂຄງການ ແລະ ພ້ອມດ້ວຍບັນດາຫົວໜ້າຫ້ອງການ ແລະ ແຂກທີ່ຖືກເຊີນເຂົ້າຮ່ວມຢ່າງພ້ອມພຽງ.

ພິທີມອບ-ຮັບ ຕຳແໜ່ງວິຊາການຄູ ຂັ້ນຜູ້ຊ່ວຍອາຈານ ວິທະຍາໄລຄູຫຼວງພະບາງ ຄັ້ງວັນທີ 25 ມັງກອນ 2021

ພິທີມອບ-ຮັບ ຕຳແໜ່ງວິຊາການຄູ ຂັ້ນຜູ້ຊ່ວຍອາຈານ ວິທະຍາໄລຄູຫຼວງພະບາງ ຄັ້ງວັນທີ 25 ມັງກອນ 2021, ໂດຍການເປັນປະທານຂອງທ່ານ ເກດ ພັນລັກ ຫົວໜ້າກົມສ້າງຄູ ກະຊວງສຶກສາທິການ. ໃນພິທີທ່ານ ອຸໄລສັກ ຈັນທະວົງ ວິຊາການກົມສ້າງຄູ ໄດ້ຂຶ້ນຜ່ານຂໍ້ຕົກລົງ ສະບັບເລກທີ 7041/ສສກ. ລົງວັນທີ 28 ທັນວາ 2020 ວ່າດ້ວຍການແຕ່ງຕັ້ງຄູ-ອາຈານ ຮັບຕໍາແໜ່ງວິຊາການຄູ ຂັ້ນຜູ້ຊ່ວຍອາຈານ ຈໍານວນ 6 ທ່ານ, ຍິງ 3 ທ່ານ. ເຂົ້າຮ່ວມໃນພິທີຄັ້ງນີ້ ມີພະນັກງານ, ຄູ-ອາຈານ ພ້ອມດ້ວຍແຂກຖືກເຊີນເຂົ້າຮ່ວມຢ່າງພ້ອມພຽງ. ຂ່າວ-ພາບ ໂດຍ: ປຕ … Continued

ຮັບສະມາຊິກກຳມະບານຊຸດໃໝ່ຂອງຂະແໜງອະນຸບານ-ປະຖົມ

ໃນຕອນເຊົ້າຂອງວັນພະຫັດ ວັນທີ 14 ເດືອນມັງກອນ 2021 ເວລາ 10:00 ນາທີ ທາງຫ້ອງການອະນຸບານ-ປະຖົມ ໂດຍສົມທົບກັບຫ້ອງການວິທະຍາສາດທໍາມະຊາດ ໄດ້ຈັດພິທີຮັບມະຫາຊົນຜູ້ທີ່ມີຄວາມກ້າວໜ້າ ເຂົ້າເປັນສະມາຊິກກຳມະບານໃໝ່ ເຊິ່ງມີນັກສຶກສາ ແລະ ຄູອາຈານ ຈາກ 2 ຂະແໜງໄດ້ເຂົ້າຮ່ວມຢ່າງພ້ອມພຽງຮຽງໜ້າ ພາຍໃຕ້ການເປັນປະທານຂອງ ສະຫາຍ ປໂທ ນາງສົມຈິດ ແສງພະສິດໄຊ ເລຂາກຳມະບານຮາກຖານວິທະຍາໄລຄູຫຼວງພະບາງ ໃຫ້ກຽດເປີດພິທີ ແລະ ໃຫ້ຄໍາແນະນໍານັກສຶກສາທີ່ເຂົ້າເປັນສະມາຊິກກຳມະບານໃໝ່ໃນການປະຕິບັດກົດລະບຽບຂອງສະຫະພັນກຳມະບານລາວ ເຊິ່ງມີນັກສຶກສາທີ່ໄດ້ຮັບເຂົ້າເປັນສະມາຊິກກຳມະບານໃໝ່ຈາກຂະແໜງອະນຸບານ-ປະຖົມຈໍານວນ 57 ສະຫາຍ ຍິງ 35 ສະຫາຍ ຜ່ານການຕິດຕາມຂອງຄະນະກໍາມະບານພາຍໃນຫ້ອງການອະນຸບານ-ປະຖົມເຫັນວ່າຈໍານວນ 57 ສະຫາຍນີ້ແມ່ນມີຄຸນສົມບັດດີຕາມມາດຖານເງື່ອນໄຂຂອງກຳມະບານລາວ ຄວນຈະໄດ້ເຂົ້າເປັນສະມາຊິກກຳມະບານລາວ ເຊິ່ງໄດ້ຂຶ້ນຮັບການຈັບມືຢັ້ງຢືນຈາກສະຫາຍ ປໂທ ນາງບຸນພັກ … Continued

ກອງປະຊຸມເຝິກອົບຮົມ ການນໍາໃຊ້ວິທີສອນໃນຫຼັກສູດສະບັບປັບປຸງໃໝ່ສາຍຄູປະຖົມ

ໃນຕອນເຊົ້າຂອງວັນເສົາ ວັນທີ 9/1/2021 ທາງຫ້ອງການອະນຸບານ-ປະຖົມ ໄດ້ຈັດກອງປະຊຸມການເຝິກອົບຮົມການນໍາໃຊ້ວິທີສອນໃນຫຼັກສູດສະບັບປັບປຸງໃໝ່ໃຫ້ແກ່ຄູສອນສາຍປະຖົມ ພາຍໃນວິທະຍາໄລຄູຫຼວງພະບາງ ເຊິ່ງພາຍໃຕ້ການເປັນປະທານຂອງທ່ານ ປອ ອານຸສິດ ມະໂນສານ ຄະນະອໍານວຍການຝ່າຍວິຊາການຂອງວິທະຍາໄລຄູຫຼວງພະບາງ ເປັນປະທານເປີດພິທີ ເຊິ່ງມີຄູ-ອາຈານທີ່ສອນສາຍປະຖົມເຂົ້າຮ່ວມຈໍານວນ 28 ທ່ານ, ຍິງ 14 ຄົນ ເຊິ່ງການເຝິກອົບຮົມໄດ້ເນັ້ນໜັກໄປທາງການຈັດການຮຽນ-ການສອນຕາມຫຼັກສູດຂອງປະຖົມສຶກສາສະບັບປັບປຸງໃໝ່ ເພື່ອໃຫ້ຄູສາມາດນໍາໄປຈັດການຮຽນ-ການສອນກັບນັກສຶກສາໄດ້ບັນລຸຕາມຈຸດປະສົງຂອງການສຶກສາໃນໂຮງຮຽນສາມັນ. ໃນການປະຕິບັດນີ້ແມ່ນສໍາເລັດໃນພາກທິດສະດີ ແລະ ຍັງຈະສືບຕໍ່ໃນການສັງເກດການສອນຕົວຈິງໃນພາກຮຽນທີ 2 ຕໍ່ໄປອີກ. ພາບ ໂດຍ: ປຕີ ມົນນາລີ ພົມມະຈັນ ຂ່າວໂດຍ: ປຕີ ນາງ ບຸນຫຼາຍ ພັນທອງ

ພິທີເຄົາລົບທຸງ ແລະ ມອບໃບຢັ້ງຢືນການເຝິກອົບຮົມລະເບີດບໍ່ທັນແຕກໃຫ້ນັກສຶກສາຂະແໜງອະນຸບານ-ປະຖົມ

ໃນຕອນເຊົ້າຂອງວັນຈັນ ວັນທີ 4 ມັງກອນ 2021 ທາງຫ້ອງການອະນຸບານ-ປະຖົມໄດ້ຈັດພິທີເຄົາລົບທຸງຊາດ ແລະ ມອບໃບຢັ້ງຢືນການເຝິກອົບຮົມລະເບີດບໍ່ທັນແຕກ ທີ່ຕົກຄ້າງໃນ ສປປລາວ ໃຫ້ນັກສາປີສຸດທ້າຍທຸກລະບົບທີ່ໄດ້ເຂົ້າຮ່ວມການເຝິກອົບຮົມ ຢູ່ທີໜ້າຫຼັກທຸງຫ້ອງການອະນຸບານ-ປະຖົມ ໂດຍການເປັນປະທານມອບໂດຍທ່ານ ປອ ອະນຸສິດ ມະໂນສານ ຄະນະອໍານວຍການຝ່າຍວິຊາການຂອງວິທະຍາໄລຄູຫຼວງພະບາງ ມີນັກສຶກສາຈາກສາຍຄູປະຖົມ ແລະ ສາຍຄູອະນຸບານທີ່ໄດ້ຮັບໃບຢັ້ງຢືນທັງໝົດ 181 ຄົນ, ຍິງ 145 ຄົນ ເຊິ່ງເປັນການຊົມເຊີຍຜົນສໍາເລັດຂອງນັກສຶກສາທີ່ຕັ້ງໜ້າເຂົ້າຮ່ວມການເຝິກອົບຮົມຢ່າງຕັ້ງໜ້າສຸດກົກສຸດປາຍ ເພື່ອໃຫ້ໄດ້ທັກສະການສອນທີ່ຈະນໍາໄປໃຊ້ໃນທ້ອງຖິ່ນຂອງຕົນຢ່າງມີປະສິດທິພາບ. ພາບ ແລະ ຂ່າວໂດຍ: ປຕີ ນາງ ບຸນຫຼາຍ ພັນທອງ